特首投票果日，有班正義之聲嘅茂利，用六舊水周圍搵人去示威者，搞到極騎呢嘅厭惡性示威， 林鄭月娥 話係唔應該，話唔應該俾錢叫人去示威，市民識睇果啲示威係唔係發乎真心喎。
林鄭月娥 切割快過居合斬 正義之聲搵邊個找數
喺梁振英呢個變態佬當政嘅年代，中聯辦成日搵班膠人搞啲騎呢示威，所謂嘅群眾鬥群眾嘅手段，當然，中聯辦同佢啲朋友乘機可以搵一筆，隨時一大舊維穩費，實際用嚟示威啲錢四分一都唔知有無，而梁振英由於係變態嘅，品味與眾不同，所以佢睇到好high。但 林鄭月娥 始終係英國訓練嘅高官，所以佢呢句話唔單只要避免選舉經費爆煲，自己因班茂利特首做唔成，仲要坐監，仲要講明，中聯辦唔駛搵呢班友扮撐我，我唔受㗎，我要靠自己嘅實力去爭取支持。
咁依家正義之聲班不正義朋友條數邊個找，一係中聯辦繼續找數，之後就搵呢班友搞政府，搞到政府雞犬不寧，短期內未必會，但長期如果林鄭月娥想起梁振英飛腳，咁就另計喇。一係中聯辦自己知道膠咗，隨時引嚟中紀委巡視組班強力部門友仔，咁班友都唔想自己都做埋李波，咁就會同呢班茂利切割埋，即係無人會找尾數，果啲代墊示威者費用嘅友仔，可以點樣追番啲尾數，呢啲嘢真係鬼知喇。但依家 林鄭月娥 想同呢啲中聯辦捧出嚟嘅騎呢人，呢個係好明顯。
其實薯粉有無輸到，薯粉係無輸到，如果 林鄭月娥 唔想被果啲中聯辦喪屍黐上身，佢要爭取民意，要爭取民意，只能夠照薯片嘅食譜煮一次，會唔會煮得雞手鴨腳我唔知，因為 林鄭月娥 個人同佢得票都係同一個字嚟。只不過，佢依家主動唔要TSA，上廣播道唔搭的士，故意搭專線小巴，甚至去茶記飲嘢，仲要搞到慘遭阿婆強吻，呢啲事情都係講明，佢被迫照住薯片留低嘅食譜自己煮一次，但煮完之後有乜後果，會唔會搞搞吓， 林鄭月娥 自己劈炮唔撈，然後運用居歐權自己返歐洲定居算數，呢個真係拭目以待。所以我話，曾俊華其實至係呢場選舉嘅贏家，佢示範咗乜嘢叫做光榮撤退，你估要光榮撤退甩身咁容易㗎？依家 林鄭月娥 當選咗，等於入咗個加大碼醬缸，慢慢同啲屎忽鬼玩喇。