中共十九大台灣代表盧麗安，大家以為佢一定又紅又專，但原來佢係 盧老枝 嘅孫，盧老枝係擦日本鞋擦得極核突嘅台灣人，據管仁健講，條友喺東京睇軍車巡遊，見到日本旗跌入車底，攔車勇救日本旗，事跡寫入課本，行為同土共極似。只不過，管仁健如果知道 李國章 家族嘅來歷，對中共重用盧麗安絕不奇怪，因為中共最愛用漢奸後代，果然好一個漢奸政黨。
李國章 盧麗安 呢啲都係世代做漢奸
李國章 嘅叔公李子方喺日本佔領香港，做華民代表會成員，而阿爺李冠春係華民各界協議會副主席，而東亞銀行，當時係社會福利彩票總代理，對日本式彩票發售架構有啲理解嘅人，都知日本軍國主義時期，日本各地(包括佔領地)嘅彩票都交最信任嘅銀行代理，好似日本本土係第一勸業銀行(今日嘅瑞穂銀行)做，你話 李國章 唔係漢奸嘅後人，咪玩喇。
所以大家可以推算到， 李國章 同盧麗安都係同一類人出身，就係果啲無腰骨，見邊個當權就托大腳嘅友仔啲後人嚟，呢啲家族嘅家教，係唔會有國家認同，民族尊嚴呢幾個字，所以 李國章 家族可以英、日、中三個宗主國通殺，盧麗安都唔弱，日本、國民黨、中共全部都搞得掂，十分之厲害。中共依家想喺台灣同香港搞殖民統治，唔搵呢啲軟骨頭做代理人點知。當你睇到韓國李完用呢啲人渣嘅子孫，到今日仍然被清算果陣，你就知道，如果台灣同香港唔獨立，大家會繼續被呢啲善於吃裡扒外嘅友仔後代所統治，恐怕大家都唔會甘心個社會淪喪到呢個地步。大家睇到，雖然韓國都有親日派呢班軟骨頭，但至少韓國政府有清算呢班友，並唔會俾呢班友可以享受榮華富貴嘅。
以 李國章 同盧麗安獲重用嚟睇，汪精衛嘅子孫其實都好有機會成為中共高層，果然中共都係由一堆賊搞出嚟嘅政黨，賣國最叻，你仲愛國嘅話，你真係蠢到不堪。一個讀中共黨史嘅人，就會睇到中共根本搞假民族主義，用民族主義洗你腦，好似邪教咁，你自願獻出一切「貢獻」國家，結果只係當權嘅得到好處，國家仍然係得個桔，所以另一件漢奸江澤民，可以威到用千八銀一枝嘅德國放大鏡睇報告，當你習近平係流嘅，你估佢老人家仲唔知習近平係乜貨色咩。