សាពូន មីដាដា វិលវិញជាថ្មីអមនឹងចម្រៀងមនោសញ្ចេតនា ៦ បទ

2015-05-23 18:10:01
ចំនួនមតិ 0 | ចំនួនចែករំលែក 0

ចន្លោះមិនឃើញ

បន្ទាប់ពីមានភាពស្ងប់ស្ងាត់អស់មួយរយៈកាលធំដែលលោកសាពូន មីដាដា បានផ្អាកពីវិស័យសិល្បៈ។ឥឡូវនេះម្ចាស់បទ "ជាប់បាក់ឌុបចប់ស្នេហ៍" បានប្រាប់ Sabay នឹងវិលចូលមកសិល្បៈវិញជាមួយនឹងបទចម្រៀង៦បទនៅក្នុងផលិតកម្មហង្សមាស។

ក្នុងការចូលមកវិញពេលនេះម្ចាស់បទ"គ្រប់យ៉ាងដើម្បីអូន"ក៏បានពាំនាំមកនូវបទចម្រៀង៦បទដែលជាការនិពន្ធដោយខ្លួនឯងមកបម្រើអារម្មណ៍ដល់បងប្អូនទស្សនិកជនដែលធ្លាប់តែនិយមគាំទ្ររូបគាត់។

"អឺ...រូបខ្ញុំបាទមានដូចជា៦បទដែរហើយជាប្រភេទMini Albumក្នុងនោះគឺជាបទបែបមនោសញ្ចេតនាផងដែរ"។ សាពូន មីដាដា ថ្លែង។

ឆ្លើយតបទៅនឹងការបាត់មុខនេះក៏ដោយសារចប់កិច្ចសន្យាជាមួយនឹងក្រុមហ៊ុនហង្សមាសម្យ៉ាងទៀតរូបគាត់ក៏មានការរវល់ជាមួយនឹងក្រុមគ្រួសារ៖“ដោយសារខ្ញុំចប់កិច្ចសន្យាជាមួយក្រុមហ៊ុនហង្សមាសហើយម្យ៉ាងទៀតខ្ញុំចង់សម្រាកមើលគ្រួសារ កូននៅតូចខ្ញុំក៏ធាត់ហើយរាងចាស់បន្តិចដែរ(សើច)"។

លោក សាពូន មីដាដាបានបញ្ជាក់ទៀតថាការងារសិល្បៈគឺជាអ្វីដែលរូបគាត់ស្រលាញ់ហើយមិនមានបំណងថាឈប់ទេប៉ុន្តែគ្រាន់តែចង់ផ្អាកមួយរយៈហើយពេលវេលាណាសមរម្យរូបគាត់ចូលច្រៀងវិញពោលរូបគាត់បានប្រាប់ថាឥឡូវដល់ពេលហើយ។

គួរបញ្ជាក់ផងដែរថា លោក សាពូន មីដាដា ចូលសិល្បៈតាំងពីឆ្នាំ១៩៩៨មកម្ល៉េះប៉ុន្តែកាលនោះលោកគ្រាន់តែជាអ្នកលេងហ្គីតានៅតាមហាងតែប៉ុណ្ណោះរហូតដល់ឆ្នាំ២០០៤ទើបបានចូលច្រៀងនៅផលិតកម្មហង្សមាសក្នុងនោះបទដែលបងប្អូនទស្សនិកជនមានការទទួលស្គាល់រូបគាត់គឺបទដំបូងដែលគាត់និពន្ធដោយខ្លួនឯងតែម្ដងគឺបទ"ដើម្បីអ្វីទៅអូន និង បទគ្រប់យ៉ាងដើម្បីអូន" ៕