រដ្ឋមន្ត្រីក្រសួងអប់រំស៊ុយអែត មិនត្រឹមតែក្មេងហើយស្អាត តែជាគំរូរបស់យុវតីទូទាំងប្រទេស

2015-10-05 22:37:40
ចំនួនមតិ 0 | ចំនួនចែករំលែក 0

ចន្លោះមិនឃើញ

Aida Hadzialic បានចូលបម្រើការឲ្យគណបក្ស សង្គមប្រជាធិបតេយ្យតាំងពីអាយុ ១៦ ឆ្នាំ និងបានក្លាយជារដ្ឋមន្ត្រីក្រសួងអប់រំកាលពីឆ្នាំមុននៅពេលដែលមានអាយុតែ ២៧ឆ្នាំ ដែលជារដ្ឋមន្ត្រីអប់រំវ័យក្មេងបំផុតក្នុងប្រវត្តិសាស្ត្រស៊ុយអែត។

នៅប្រទេសស៊ុយអែតបច្ចុប្បន្ន Aida Hadzialic ជានិមិត្តរូបរបស់យុវវ័យ សមភាពយេនឌ័រ និងជាអ្នកផ្ដល់ឱកាសឲ្យគ្រប់ជាតិសាសន៍ និងគ្រប់សាសនាទាំងអស់។

កើតឆ្នាំ ១៩៨៧ នៅទីក្រុង Coca ប្រទេស Bosnia, Aida បានធ្វើដំណើរជាមួយគ្រួសារចេញពី Bosnia ទៅកាន់ស៊ុយអែតនៅពេលនាងមានអាយុ ៥ ឆ្នាំដើម្បីគេចពីសង្គ្រាម។

Aida Hadzialic ក្លាយជាសកម្មជនរបស់គណបក្ស សង្គមប្រជាធិបតេយ្យក្នុងវ័យ ១៦ ឆ្នាំ។ នាងបញ្ចប់ការសិក្សាផ្នែកច្បាប់ពីសាកលវិទ្យាល័យ Lund។ Hadzialic ធ្លាប់រក្សាតំណែងជាអភិបាលរងទីក្រុង Halmstad ប្រទេសស៊ុយអែតនៅពេលមានអាយុទើបតែ ២៣ ឆ្នាំ។

អ្នកនយោបាយស្រីស្រស់ស្អាតរូបនេះ ត្រូវបាននាយករដ្ឋមន្ត្រី Stefan Löfven តែងតាំងជារដ្ឋមន្ត្រីនៅពេលមានអាយុ ២៧ ឆ្នាំ(ខែ តុលា ២០១៤) ដើម្បីទទួលបន្ទុកខាងវិស័យអប់រំថ្នាក់មធ្យមសិក្សានិងមនុស្សពេញវ័យ។ មហិច្ឆតារបស់នាងគឺ កសាងសាលារៀនផ្សេងៗរបស់ស៊ុយអែតឲ្យក្លាយជាមជ្ឈដ្ឋានអប់រំដ៏ល្អបំផុតក្នុងបណ្ដាប្រទេសអឺរ៉ុប។

ស្របជាមួយនឹងសមត្ថភាពក៏ដូចជាទេពកោសល្យរបស់ខ្លួន Aida Hadzialic ក៏ល្បីឈ្មោះដោយសារសម្រស់ក៏ដូចជាការតុបតែងខ្លួនរបស់នាងផងដែរ។ ការស្លៀកពាក់របស់ Aida គឹមិនខុសពីស្ត្រីទាន់សម័យណាម្នាក់នោះឡើយ។

នៅពេលធ្វើការ រដ្ឋមន្ត្រីក្រសួងអប់រំ ជ្រើសរើសម៉ូដសំលៀកបំពាក់ សុភាពនិងសមរម្យ ទៅតាមកាលៈទេសៈ។ Aida ចេះគួបផ្សំម៉ូដខោអាវយ៉ាងណាឲ្យមើលទៅស័ក្ដិសមនឹងគ្នា។

សម្រាប់សំលៀកបំពាក់ប្រចាំថ្ងៃវិញ Hadzialic ចូលចិត្តម៉ូដអាវក្រៅដែលមានប្រវែងដល់ជង្គង់។ ការស្លៀកពាក់របស់មន្ត្រីរាជការរូបនេះត្រូវបានគេសរសើរនិង ទុកជាគំរូ៕