Conxunción triple sobre o Parque Nacional galego

Explicación: que son eses obxectos brillantes que penduran sobre o horizonte? Planetas e a Lúa. O primeiro de todo, o horizonte amosado é a liña de costa do Océano Atlántico que está no Parque Nacional Illas Atlánticas de Galicia, ao norte de España. O seguinte na distancia, á esquerda, é a Lúa. Doadamente o obxecto máis brillante do ceo nocturno, aquí a Lúa estaba nunha fase crecente. O seguinte en distancia, á dereita, é o planeta Venus, mentres que o planeta Xúpiter se ve no cumio do triángulo. A exposición longa coa nosa Terra rotando rapidamente fixo que todos os obxectos celestes, incluíndo as estrelas afastadas, aparezan como arcos lixeiros. A imaxe publicada tirouse na noite do pasado domingo. Aínda que a órbita da Lúa levouna xa lonxe desta parte do ceo, os planetas Venus e Xúpiter poden ollarse superpostos xusto tralo solpor ata mediados de agosto. A separación aparente máis pequena de Venus e Xúpiter ocorrerá nunha semana, cando os dous planetas aparecerán afastados por menos do diámetro angular da Lúa.