國民教育 與軍國主義

國民教育-min

我去完九段下查文件,我並無去靖國神社,因為我個人始終接受唔到遊就館啲嘢,反中國唔代表要支持入侵,作為英國人,我個人接受唔到當年日本侵略行為。只不過,我去咗昭和館。昭和館展示當年 國民教育 果種遺害,其實更值得大家去反思。

國民教育 等於集體發神經

昭和館嘅展品,其實好多係展出戰爭果陣日本嘅文物,呢個展館我唔明點解少華人去,呢個去了解日本軍國主義嘅心理狀態好有用。其實真正要警惕,唔係軍國主義喺日本復興,而係中國已經走上果種軍國主義道路,呢個又同 國民教育 好有關。

國民教育-min
國民教育-min

當時日本小學生,係畫呢啲畫,簡單嚟講,由傳媒到學校,全方位咁吹捧日本好威,日本好掂,一定要為一億人嘅生存犧牲自己, 國民教育 其實搞出嚟係集體發神經。如果有同時去昭和館下面睇番防衛廳出果啲,戰時陸軍省寫嘅戰書,其實陸軍省自己都知,因為當時日中戰爭陷入膠著,而各國嘅禁運,所以要賭一鋪向南洋進軍。但日本當時集體洗腦,民眾根本唔知日本軍部班友攞全國嚟賭,仲要祝願武運長久,當打仗係講運嘅時候,你覺得呢場戰爭會贏嘅,歐洲戰線,希特拉都係發神經,德國陸軍嘅水準同技術有贏嘅可能性,而日本係無嘅。

國民教育-2-min
國民教育-2-min

今日共產黨政府嘅技倆,其實同日本政府當年玩嘅係一樣,我個人甚至相信,中國共產黨當經濟唔掂果陣,係會學日本陸軍省咁全國賭一鋪,而睇中國人,甚至香港果啲藍屍果種文革式批鬥思維,佢地會同當年嘅日本人民一樣,自我麻醉到一個點,以為場仗真係會贏,全國集體發神經。發神經係打唔會打贏仗,發神經亂咁斬人嘅正常結果係被人制服,因此,好大機會中國共產黨發神經嘅結果,係全世界各國出兵打柒中國。當然,用唔用核武,以及戰後嘅佔領問題係另一回事。

西方國家係未必有興趣戰後佔領中國,好似日本咁,美國固然變咗要長期承擔日本防務,對日本了解相對比較多嘅英國,當年英聯邦軍佔領,都係盡量避免同日本人接觸,係結婚都唔鼓勵,最後都係搞出一大堆戰爭花嫁嘅問題出嚟,即係依家澳洲果批日本新娘(十個有九個嚟自廣島)。大家諗吓如果要聯軍佔領中國,會唔會搞出一大鋪屎出嚟,有時睇日本歷史,都不失為一塊鏡。中國人自己做緊,就係1930-1940年代日本人果啲嘢嚟,甚至更衰。

發佈留言

發佈留言必須填寫的電子郵件地址不會公開。 必填欄位標示為 *