劉舒燕 鎅票鎅得好核突

劉舒燕-鎅票-min

劉舒燕 呢條友唔係民主派,我相信呢個本唔係新聞,一個成日積極參與同前海有關活動嘅人,你話佢係民主派,呃我都唔係咁呃啩,只不過,似乎有啲人以為東華選區啲選民都係傻仔,仲要繼續呃落去,呢啲鎅票友仔,真係可以講係無恥無極限。

劉舒燕 claims 自己係進步民主派?食得㗎?

首先,呢件 劉舒燕 喺選舉單張,無交代佢同前海啲活動啲關係,呢樣已經係十分之核突同無恥,因為大家都知,前海果啲嘢,十之八九同土共有關,泛民啲人普遍對前海係無興趣。只不過,佢更無恥係,以為掛住黃絲帶,用埋啲九唔搭八嘅進步民主派嘅朵,就可以呃票,我相信呢條面目模糊嘅友仔,係想呃啲唔係太熟行情,但又可能唔多滿意民主黨果啲人嘅票,所以我話係鎅票鎅得好核突係咁解。

只不過,唔係口話自己係民主派,就係民主派,對中共第五縱隊處處提防嘅人,或者平日防開五毛嘅人,都知道有唔少五毛,都係掛住黃絲帶頭像嘅,而好似馮煒光、湯家驊呢啲人渣,投共之前都係堅持自己係民主派身份。呢幾年啲人,對呢啲核突手段嘅防備高咗唔少,所以我估要鎅百幾票唔多可能,但由於東華選區嘅結果,隨時只係爭果幾十票, 劉舒燕 都係為咗鎅果幾十票保送土共上壘,所以呢,大家要提醒住喺東華選區啲朋友,呢次都係要含淚投民主黨,因為土共多一個議席更唔抵,只有熱普城呢班收咗中共錢嘅人,至會認為民主黨非滅不可,我作為港獨派,都會認為民主黨有佢嘅戰略價值同作用。

東華選區雖然只係一個小區議會選區,但大家要留意,呢次選戰好可能係土共唔少新打法操盤用,特別佢地見民主派勢弱,所以呢場戰爭,好可以判斷到邊啲面目模糊嘅人係鬼,畢竟依家係一個人鬼難分嘅年代,所以我並唔會認為民主黨因為平日佢地膠,就由得佢地死咗佢,民主黨喺打陣地戰仍然係重要。

反而,大家要密切留意香港獨立媒體班友,呢班友喺東華選區競選期間會唔會玩報復,其實好值得關注,都係果句,好多左膠係不顧大局,私怨行頭,佢地對香港民主嘅危害,並唔會弱得過熱普城呢班粉腸。

發佈留言

發佈留言必須填寫的電子郵件地址不會公開。 必填欄位標示為 *