Bossòst a tornat a acuélher un an mès es processons de Pasca, en tot mantier ua tradicion centenària e qu’ei plan conservada pes vesins deth pòble e visitada autant pes aranesi coma pes toristes que son pendent aguesti dies ena Val d’Aran. Diuendres s’inicie era prumèra processon deth Via Crucis ath maitin. Aguesta madeisha jornada, ath sèr, a lòc era processon deth Sant Enterrament, a on es desparièrs colors des passi se barrègen damb es lums des carrèrs. Aciu se pòt veir ua veritabla devocion e veneracion per aguesta tradicion e pera istòria estrèta entre es processons e eth pòble de Bossòst. E dimenge de Pasca, finalizen es actes hestius damb era processon deth Sant Retrobament, damb era demorada amassada de Crist damb era Vèrge Maria, en tot certificar-se damb un punet. Eth punt finau a ua setmana religiosa qu’enguan a tornat a amiar fòrça gent pes carrèrs de Bossòst.

Mès de 200 vesins deth pòble se junhen entà premanir e aufrir es desparièrs passi que desfilen pendent es diuèrses processons. Aguest hèt demòstre eth compromís dera gent per mantier viua ua tradicion plan antiga, que s’inicièc en sègle XIX.