基於工作需要，雖然 港人講地 好難頂，但每日都係要睇吓啲標題。我睇呢三日 港人講地 ，我發現一個反映梁粉心理狀態嘅現象。
就係 港人講地 好鍾意濫用KO呢個字，差不多連續三日嘅 港人講地，都出現KO呢個字。日日都有標題，啲土共梁粉以啲理據不足嘅垃圾，自以為KO咗某某某。
KO，係Knock out嘅簡寫，雖然我成日都當辯論或政治好似打仗咁，但好少吓吓都用KO呢個字， 港人講地 連續三日用KO呢個字，一方面反映呢班友語言貧乏又要扮潮。另一方面， 港人講地 嘅語言風格，反映梁粉嘅心理狀態，就係明知自己論據唔夠，但又要消滅對方，所以成日不斷強調自己KO咗某某某，一般嚟講，只有拳證至可以宣稱A KO咗 B，就算Street Fighter出現KO字樣，都係個電腦「拳證」話你聽你KO咗對手。
所以唔只梁振英自己變態， 港人講地 係一個好好嘅研究素材嚟，佢比文匯大公更加反映，梁粉實際係反映咗一班變態的專業人士。佢地呢種心理狀態控制香港，香港至會災難不斷，沒完沒了。