灣仔凶殘SM謀殺案，案情固然已經可以攞嚟寫荷里活震慄片，只不過，案情透露 香港警察 啲黑暗醜惡嘅英文水平，連聽英文報案都聽唔掂，至係最令人震驚。
喺英國管治時期， 香港警察 嘅英文水平都唔叫特別好，但唔會出現連洋人報警都完全唔知講乜嘅情況，畢竟英文太差係升唔到官，否則就唔會過往年年都有一堆警員，以自修生身份考香港會考英文課程乙（英文中學課程，攞到C或以上，相等於GCE O Level英文及格），而警隊內部，都有唔少英裔或愛裔警官，唔會對呢種情況坐視不理。
但依家惡化到係，縱使依家香港警察仲有外籍高級警員（現任助理處長（支援）何德承，同埋東九龍總區指揮官麥國兆係英裔人士嚟，但有可能已經入籍中國，而呢班歐裔人士，都唔慌好人），都已經搞到999唔識聽英文。我真係好懷疑，一旦處理涉及非華裔人士嘅刑事案件果陣，啲警員點落口供，同埋啲證據將會有幾烏厘單刀。
捐款：
Citibank Hong Kong: 14830515
恆生銀行：395-158777-882
月捐計劃
想用Google App，經呢度加入：https://goo.gl/PBroUD
捐款者可以索取八折coupon code，慳更多！