喺梁君彥罕有批准民主黨尹兆堅嘅修訂， 小巴 加座位到20座後，20座呢個係民主黨同民建聯共同立場，都政府竟然話未諮詢掂業界要收番。當然，一方面譚惠珠條八婆嘅勢力仍然十分之龐大同恐怖，懷疑香港由譚惠珠嚟管治。但另一方面，以我所知，豐田Coaster新款超重，正正係點解 小巴 加座位呢件事咁多阻滯嘅原因。
為咗保住皇冠車行 小巴 加座位無得傾？
其實政府為咗保住皇冠車行，真係無所不用其極， 小巴 唯一唔升級做Euro 6嘅原因，除咗要保住皇冠石油氣 小巴 嘅市場外，當然因為一引入 Euro 6 小巴 政府無理由阻止用Euro 6引擎嘅私家車入口，又涉及油公司利益。只不過，呢招未夠，因為如果加到20座，皇冠其實唔係完全無競爭力嘅，至少新款嘅車可以加20座唔超重，皇冠都或者會一戰，畢竟好多車行都修理慣豐田嘅車，一街都係師傅同零件，喺維修保養果度，未必需要到皇冠車行嘅支援太多。好多人話香港用車方式同非洲國家無分別，香港啲小巴都確係有呢個影子。
問題係，豐田解決唔到車架重量問題，一加到20座一定超重，問題同Poncho入唔到香港嘅原因係差唔多，Poncho本身設計係巴士嚟就算，連Coaster都超重就真係有點兒那個，喺運房局依家無人駕駛嘅情況下，連楊何蓓茵都等住做教育局常任秘書長，運輸及房屋局嘅事，佢已經去到一個關人隱事嘅階段，根本唔理運輸署下面班友想點，運輸署班仆街仲為咗保住皇冠車行，搵藉口停咗 小巴 加座位個大計，特別有譚惠珠呢條八婆衝出嚟柒食死貓，只要譚大姐肯食呢隻死貓，運輸署班友係好樂意去做啲仆街到無朋友嘅事。
所以唔好乜都屈民主黨，呢次民主黨係做咗件好事，仲要難得同時得到民建聯嘅支持，甚至有專利巴士公司都樂觀其成，因為一加座位，就可以學JR咁，將啲赤字線掟晒俾啲小巴佬做，留番珍貴嘅車輛用喺好賺好多嘅特快線上面。我依家想知道，運輸署要保住某間車行，可以去到幾盡咁，如果再咁搞落去，係唔係真係要老廉派人上運輸署總部搜查，至會有番啲正常嘅政策出現呢？
你話政府要保譚惠珠，大家都明。但政府點解要保皇冠﹖