近日 流感 都幾恐怖，我都有朋友因 流感 緣故要食特敏福，無入院算大命。袁國勇建議家長唔俾細路外出，固然係基於保護兒童作出嘅建議，但我睇，禁止中國遊客進入香港，可能係更有效，更快速防止 流感 向全世界蔓延嘅方法。甚至我向全世界嘅政府建議，如果中國唔加強喺防疫嘅透明度，唔應該容許中國遊客再出去旅遊，隨時由佢地瘋狂購物賺返嚟嘅錢，都唔夠交由流感引發造成嘅醫療成本。
中國可能 流感 大爆發
我由機場等地方所見，好多中國遊客，根本係有類似呼吸道感染症狀，但由於呢啲人只係轉機，以及香港政府唔夠吉士挑戰張德江呢啲人渣，所以好多中國遊客根本係感染咗變種 流感 ，而香港根本係一無所知，或者所知甚少，情況好似沙士果陣一樣，如果有個超級感染者入咗嚟，香港人唔hihi就奇。所以我懷疑近日急症室告急，好可能同中國遊客有關，包括喺中國感染咗流感再傳染俾香港人，甚至直接嚟香港求醫，香港前線醫生乜都唔知就去救人，結果咪堅中伏，一如沙士果陣嘅情況。
當中國死性不改果陣，唯一有效防止 流感 變種喺香港廣泛流行嘅方法，就係禁止中國遊客入境，大家仲要留意一樣嘢，世界流感史上，中國係佔一個重要位置，袁國勇、管軼等教授之所以要長期監察中國嘅情況，因為中國人嘅衛生習慣，以及農場環境，根本係世界上數一數二嘅流感變異溫床，只要中國輸出病毒，全世界唔中伏就奇。香港好多時變咗世界流感源頭，並唔係香港本身有問題，而係中國資訊封鎖，而搞到香港人變咗好大隻死貓都唔知啫。
當然，喺香港政府敢禁止中國遊客入境前，香港人都唔可以坐以待斃嘅，我唔會認為周街派橙或維他命C係乜嘢了不起嘅抗疫盛事，依家香港人要自求多福，最好都係頻頻洗手，帶備酒精搓手液出街，如果老闆仲想有命，寧願俾員工多啲請教，如果你認為你自己唔會中流感，我覺得你真係太高估自己嘅運氣，財多唔代表身子強嘅。同埋，啲食肆、公眾場所，多啲用漂白水清潔同洗地，做得幾多就幾多。雖然漂白水唔好聞，但做咗絕對唔壞，唔通大家仲想好似沙士果陣咁死城一樣咩。