តំណាងកម្មករ៖ បាតុកម្មនៅប៉ោយប៉ែតបណ្ដាលឲ្យមនុស្សស្លាប់ម្នាក់ និងរបួសធ្ងន់ម្នាក់
កម្មករម្នាក់បានស្លាប់ និងម្នាក់ទៀតរងរបួសធ្ងន់ ក្នុងការធ្វើបាតុកម្មនៅច្រកអន្តរជាតិប៉ោយប៉ែត ។ នេះបើតាមការបញ្ជាក់ឲ្យដឹងពីតំណាងកម្មករដែលធ្វើបាតុកម្មកាលពីព្រឹកមិញ បានថ្លែងប្រាប់វិទ្យុវាយោ។ តំណាងកម្មករដដែលបានឲ្យដឹងថា កម្មករដែលស្លាប់ ដោយការបង្ក្រាបរបស់សមត្ថកិច្ច រហូតឈានដល់ការផ្ទុះអាវុធគំរាមជាង ១០ គ្រាប់ ។ បន្ទាប់ពីមានការស្លាប់ កម្មករក៏បាន សំរុកចូលបំផ្លាញទីស្នាក់ការគយដោយប្រើដំថ្មរគប់បំផ្លាញរថយន្តនិងបំផ្លាញអាគារស្នាក់ការគយ ខូចខាតជាច្រើន ។ ជាបន្តសូមស្ដាប់សំឡេងតំណាងកម្មករ៖
សំឡេង៖
សូមជម្រាបផងដែរថា បាតុកម្មនេះកើតឡើងដោយសារតែមន្ត្រីគយនៅច្រកអន្តរជាតិប៉ោយប៉ែតនោះបានគាបទារប្រាក់ពន្ធពីកម្មករដែលធ្វើការនៅទីនោះហួសពីប្រាក់កម្រៃដែលកម្មកររកបាន។ តំណាងកម្មករបាននិយាយថា លោកឈួន ហៃ ដែលជាប្រធានគយ បានធ្វើបាបដល់កម្មករដោយចាប់ទំនិញ និងធ្វើការផាកពិន័យ រហូតដល់៣០ ទៅ៤០ម៉ឺនរៀល ដែលចំនួននេះច្រើនជាងការដឹ ក ជញ្ជូនឥវ៉ាន់របស់កម្មករទៅទៀត។ ដូច្នេះហើយក្រុមកម្មករក៏បាននាំគ្នាធ្វើបាតុកម្មនេះតែម្ដង៕
(ដោយ៖ ចេន សុជាតា)
ព្រឹក៖ ម៉ោង ៦:០០-៧:០០