Приказната на сајтот Inc.com е за тоа како стартапите можат толку брзо да растат за само неколку години.
Цимерите Брајан Чески и Џо Гебиа дошле до идеја да го создадат Airbnb во 2007 година, кога тие едвај си ја плаќале кирија за сместување во Сан Франциско. Нејт Блекарчик се приклучува една година подоцна и тоа како основач.
Првичната идеја им била да ги задоволат туристите или гостите во Сан Франциско, додека траеле конференциите, кога хотелските соби се распродадени. Основачите на пазарот излегле со компанијата како Airbed & Breakfast.
За време на изборите во 2008 година, тие создале и продале кутии „Обама зеленчук“, за да добијат пари за компанијата. Напорите им се исплатиле, тие добиле околу 30.000 долари. Подоцна тие добиле уште 20.000 долари од инвестицијата.
Airbnb во 2010 година конечно зазема замав и таа година објавува 700.000 резервации, а подоцна Greylock Partners & Sequoia Capital го финансираат Airbnb со 7,2 милиони долари. Веќе од 2011 година Airbnb објави дека има еден милион резервации, и се приклучи на стартапи кои вредат повеќе од една милијарда долари.
Од тогаш успехот само се зголемува. Само во 2013 година Airbnb има 6 милиони нови гости и 250.000 нови објекти. Две години подоцна, по новите инвестиции, нивната вредност се зголемила на 10 милијарди долари, додека во 2016 година оваа вредност достигна бројка од 30 милијарди долари.
Оваа компанија работи во околу 190 земји, и нивната понуда се шири и понатаму, вклучувајќи го и „искуството“, каде што на туристите им се нудат водичи, часови за готвење.
