張曉明同跟佢班土共繼續不學無術，話要千方百計阻止青年新政兩位香港 國會 議員（BBC用Parliament同MP稱呼香港立法會議員，所以我決定稱呼香港立法會議員為香港 國會 議員）宣誓。
你班友唔明愛爾蘭歷史，如果佢地學1918年嘅愛爾蘭人玩膠，宣布自行宣誓成為香港 國會 議員，你班友仲膠。
1918年英國下議院大選，新芬黨掃晒愛爾蘭南部嘅議席（大致上係今日愛爾蘭共和國國境範圍），當時成班 國會 議員唔去倫敦宣誓，而係去咗都當時都柏林市長Laurence O’Neill嘅官邸，召開第一屆Dail會議，Dail愛爾蘭文意思就係 國會 。之後呢個 國會 成立 Dail Court去削弱英國當時法院權威，又叫大家唔好交稅，改為買共和軍國債，維持佢地嘅政府運作，直至1921英愛簽署和約，成立所有英聯邦自治領嘅始祖：愛爾蘭自由邦，亦即大家認識嘅愛爾蘭共和國。
土共要玩到咁，係唔係要下屆香港大選，直選議席獨派取得壓倒性勝利，然後成立臨時政府同你契丹玩膠。當時英國人要槍斃「叛國者」都唔眨眼，結果Michael Collins殺英國警察更加唔眨眼，我真係想知呢挺膠有幾好玩咁。