ខេត្តកំពង់ធំ ៖ អ៊ុត សំអន ប្រធានគណះបញ្ជាការឯកភាពខេត្ត និងជាអភិបាលនៃគណះអភិបាលខេត្តកំពង់ធំ មានប្រសាសន៏ថានៅក្នុងទឹកដីខេត្តកំពង់ធំរបស់យើងបច្ចុប្បន្ននេះគឺនៅតែមានការលបលួចចូលទៅកាប់ទន្ទ្រានដីព្រៃរបស់រដ្ឋដោយខុសច្បាប់ ពីប្រជាពលរដ្ឋ ដែលមានឈ្មួញនិងអ្នកមានអំណាចមួយចំនួននៅរងចាំទិញពីក្រោយ រួមទាំងសមត្ថកិច្ចខ្លះផងដែរដែលចូលរួមប្រព្រឹត្តិបទល្មើសកាប់ព្រៃខុសច្បាប់នេះ ហេតុដូច្នេះហើយក្នុងនាមគណះបញ្ជាការឯកភាពខេត្ត សូមឲ្យកម្លាំងជំនាញរដ្ឋបាលព្រៃឈើសហការគ្នាជាមួយសមត្ថកិច្ចទាំង៣ បំផុសចលនាប្រជាពលរដ្ឋឲ្យពួកលោកបានយល់ច្បាស់អំពីទោសកំហុសដែលនាំគ្នាចូលទៅកាប់ព្រៃហាមឃាត់របស់រដ្ឋដោយខុសច្បាប់និងត្រូវមានទោសគឺត្រូវចាត់វិធានការឲ្យខានតែបានលើ បញ្ហាខាងនេះត្រូវតាមដានស្រាវជ្រាវរកឲ្យឃើញថាតើសមត្ថកិច្ចជំនាញ ប៉ូលិស ទាហ៊ាន កងរាជអាវុធហត្ថ អង្គការមួយណា ឬក៏លោកធំមួយណាដែលនៅកាងពីក្រោយខ្នងរឿងប្រព្រឹត្តបទល្មើសខុសច្បាប់នេះ។
លោក គឹម ចន្ថា នាយអធិការរងរដ្ឋបាលព្រៃឈើខាងជើងបឹងទន្លេសាបបានធ្វើសេចក្តីរាយការណ៏ថា រយៈពេលកន្លងមកសមត្ថកិច្ចជំនាញធ្លាប់បានសហការជាមួយកម្លាំងប្រដាប់អាវុធទាំង៣ធ្វើការបង្ក្រាបបានជាច្រើនករណីមកហើយៗក៏នៅតែមានវប្បធម៌អន្តរាគមន៏មិនចេះចប់ក្នុងរឿងនេះសូមសំនូមពរដល់លោកមេត្តាប្រធានជួយមានវិធានការទប់ស្កាត់ផងចំពោះបញ្ហានេះផង ដើម្បីឲ្យការបង្ក្រាបមានប្រសិទ្ធភាព។
លោក ឧត្តមសេនីយ៏ត្រី ផាន់ សុផេង ទីប្រឹក្សា ឯកឧត្តម ងួន ញ៉ិល និងស្នងការនគរបាលខេត្តកំពង់ធំមានប្រសាសន៏ថាកម្លាំងនគរបាលរបស់លោករងចាំជួយអន្តរាគមន៏ក្នុងការទប់ស្កាត់បល្មើសព្រៃឈើគ្រប់ពេលវេលា នៅពេលណាដែលផ្នែកខាងជំនាញត្រូវការបន្ទាប់ពីកិច្ចប្រជុំពេញមួយព្រឹកមក។
លោក អ៊ុត សំអនមានប្រសាសន៏ដោយសង្កត់ធ្ងន់ថាចាប់តាំងពីពេលនេះតទៅគឺយើងត្រូវតែចាត់វិធានការឲ្យបានក្តៅគគុកចំពោះបញ្ហាខាងលើនេះ លោកសូមសង្ឃឹមយ៉ាងមុតមាំថាគណះបញ្ជាការឯកភាពក្រុង ស្រុក ព្រមទាំងកងកម្លាំងប្រដាប់អាវុធទាំង៣ សហការជាមួយកម្លាំងជំនាញ និងអនុវត្តចាត់ការឲ្យបានបើសំអាងតែខាងកម្លាំងជំនាញតែ១គឺពុំអាចធ្វើការបង្ក្រាបបានសព្វគ្រប់នោះទេ គឺត្រូវតែធ្វើ ហើយធ្វើឲ្យបានម៉ត់ចត់ កុំឲ្យដូចពាក្សថា ម៉ាម៉ាយកតែស៊ង តោកៗសឹកតែត្រដោក ឆ្អែតឯពោះក្របីនោះ។
ចែករំលែកព័តមាននេះ