根據報導，梁粉盧寵茂醫生，被委派為 港大 深圳醫院院長。
港大 深圳醫院由盧寵茂醫生接受，呢個係預期中事。其實呢件事已經好黑，由於盧寵茂同 港大 校委會主席李國章教授份屬政治盟友， 港大 校委會日後會否監察 港大 深圳醫院運作，本來已經係一大疑問。
但更大疑問係， 港大 深圳醫院 嘅董事長竟然係吳以環，即係深圳副市長，亦意味著，成間 港大 深圳醫院，嘅司法管轄區，以至帳目，都係收咗埋入深圳市政府裡面，咁唔怪得公眾無法喺網上任何公開資料，包括港大嘅財務報告，以及公司註冊處裡面港大果啲附屬公司帳目之中，睇到 港大 深圳醫院究竟蝕咗納稅人幾多公帑。
喺深圳市法人嘅情況下，加上盧寵茂同李國章嘅關係，我對 港大 深圳醫院嘅管治深表懷疑，究竟最後香港大學深圳醫院有幾多數要納稅人埋單，而 港大 深圳醫院如果日後真係賺到錢，又會唔會將盈利回流香港，資助番香港大學喺香港教研工作，定係唔知俾邊班友食咗落肚都唔知。如果校方答唔到公眾一連串嘅疑問，我好懷疑點解醫療券計劃，要涵蓋埋呢間黑箱醫院。
捐款：
Citibank Hong Kong: 14830515
恆生銀行：395-158777-882
月捐計劃
想用Google App，經呢度加入：https://goo.gl/PBroUD
捐款者可以索取八折coupon code，慳更多！