BNO 根本唔關澳洲加拿大紐西蘭事

BNO-聯署-min

最近同 BNO 相關嘅怪事越嚟越多,竟然有人去change.org整咗個聯署,要求澳洲、紐西蘭同加拿大國會收留 BNO ,有啲根本喺 BNO 問題上無發言權嘅人渣仲煞有介事去分析。唔好意思,我唔會聯署,因為 BNO 根本唔關澳洲、加拿大同紐西蘭事。

BNO 點解唔關澳洲、加拿大同紐西蘭事

其實《中英聯合聲明》簽咗後,當時英國政府已經勸加拿大、澳洲同紐西蘭放寬移民資格,呢個係咁多香港人移去呢啲國家嘅背景,但呢啲國家唔係英國屬土,佢地幫英國孭咗部分人,孭係人情,唔孭係道理,我十分之懷疑呢個聯署根本立心抹黑 BNO 形象,可惜中共搞呢啲嘢露得太多馬腳,有啲非英籍人士唔出聲,或者單嘢都無咁易穿,依家就一定穿晒。

當然,移民顧問、熱普城同中共都憎居歐權,移民顧問嚟講,呢個係拆咗佢地呃神騙鬼嘅生意,梗係憎我。熱普城嚟講,佢地果啲焦土戰略,根本要香港人陪葬攬炒。而對中共嚟講,如果 BNO 最終非走不可,佢地寧願係 BNO 去英語系國家,都唔好歐洲或英國本土,英國本土固然有MI5睇實,而歐洲,德國有憲法保衛局睇住啲同鄉會活動,中共喺歐洲好難將啲 BNO 變成自己嘅棋子,相反,喺英語系國家,一堆投共香港人會好似幫香港同鄉咁,實際幫中共做統戰工作,你估我唔識睇咩。如果BREXIT後,英國同加拿大、澳洲、紐西蘭締結自由行動協議,我唔反對加入 BNO ,但依家,我唔認為呢啲西方國家有責任幫英國吞咗部分 BNO 落肚,因為依家香港搞到一鑊泡,英國要主動收拾殘局。

我對居歐權嘅立場,其實就係一個堅持ECHR反歧視條款嘅立場,係建基於平權呢個理念,平權理念後面係反歧視,我講咗十萬次,如果香港有公投之下離開英國,一如新加坡,係唔應該啲人再有英籍,但香港無公投,所以就會有 BNO 。 BNO 喺英國加入歐盟後出現,所以英國嘅歧視係無道理,呢個亦係歐洲國家喺2004/38/EC後,開始俾 BNO 居歐權嘅原因,歐洲國家唔係傻嘅。當然,對於收柯打亂講嘢嘅非香港人,佢地繼續搬龍門遲早搬到車毀人亡。

發佈留言

發佈留言必須填寫的電子郵件地址不會公開。 必填欄位標示為 *