Millət vəkili Qənirə Paşayeva Pakistan Parlamentinin senatoru, Parlamentin sabiq vitse-prezidenti Ch. Mohammad Jaffar İqballa azərbaycanlı girovlardan danışıb.

Simsar.az xəbər verir ki, millət vəkili, Azərbaycan-Pakistan Parlamentlərarası Dostluq qrupunun üzvü Qənirə Paşayeva Pakistan Parlamentinin senatoru, Parlamentin sabiq vitse-prezidenti Ch. Mohammad Jaffar İqballa görüşüb. Görüş zamanı Q.Paşayeva bildirib ki, Pakistan Azərbaycan üçün dost, qardaş ölkədir və Azərbaycan xalqı Pakistanın Dağlıq Qarabağ münaqişəsinin tənzimlənməsi ilə bağlı Azərbaycana hər zaman verdiyi dəstəyi yüksək dəyərləndirir. Azərbaycan Prezidentinin və Parlamentinin hər zaman dost Pakistanla münasibətlərin inkişafına böyük önəm verdiyini və bütün istiqamətlərdə ikitərəfli münasibətlərimizin inkişaf etdiyini deyən millət vəkili Qənirə Paşayeva Azərbaycan xalqının hər zaman Pakistana böyük sevgi bəslədiyini deyib. Millət vəkili xatırladıb ki, o istər jurnalist fəaliyyəti zamanı, istərsə də son 9 illik deputatlıq fəaliyyəti dövründə dəfələrlə bu ölkəyə səfərlərini vurğulayaraq  Pakistan xalqının və dövlətinin Azərbaycan xalqını və dövlətini nə qədər çox sevdiyini öz gözlərimlə görmüşəm, hiss etmişəm deyib və hər zaman Azərbaycana dəstəyinə görə Pakistan Parlamentinin senatoru, Parlamentin sabiq vitse-prezidenti Ch. Mohammad Jaffar İqbala təşəkkürünü bildirib: “Pakistan Senatı Xocalı soyqırımını rəsmi olaraq tanıyıb və Ermənistanın insanlıq əleyhinə yönəlmiş bu vandalizm hərəkətlərini qətiyyətlə pisləyib, eləcə də Pakistan Azərbaycan torpaqlarını işğalda saxladığı üçün Ermənistanla diplomatik əlaqələr qurmayıb. Azərbaycan xalqı dost və qardaş Pakistan dövlətinin bu addımını Azərbaycana ən böyük dəstəyi və qiyməti kimi dəyərləndirir”. Millət vəkili ölkələrimiz arasında münasibətlərinin inkişafında Azərbaycanın birinci xanımı, Heydər Əliyev Fondunun prezidenti Mehriban Əliyevanın qardaş Pakistanda həyata keçirdiyi böyük və əhəmiyyətli layihələrin xüsusi rolunu da vurğulayıb. Millət vəkili Qənirə Paşayeva  Pakistan Parlamentinin senatoru, Parlamentin sabiq vitse-prezidenti Ch. Mohammad Jaffar İqballa Dağlıq Qarabağ münaqişəsi ətrafında son vəziyyət, Ermənistanın bölgədə davam edən təxribatları, dinc azərbaycanlıları  snayperlərlə hədəfə alması, Ermənistanın dünyadakı erməni diaspor və lobbisi ilə Azərbaycan əleyhinə apardıqları siyasət və Azərbaycanın bölgədə və dünyada Ermənistanın təxribatlarına qarşı mübarizəsi, əldə olunan nəticələr barədə də  geniş məlumat verib və fikir mübadiləsi aparılıb. Millət vəkili Qənirə Paşayeva  Ermənistanın bölgədə  bu gün də davam etdirdiyi təxribatlar və eyni zamanda Qarabağ həqiqətlərinin daha geniş yayılması, Xocalı Soyqırımının dünyada tanıdılması istiqamətində Azərbaycanın gördüyü işlərdən danışıb və bildirib ki, bu məsələlərdə bundan sonra da hər zaman  qardaş Pakistanın və onun xarici ölkələrdə yaşayan böyük diasporunun dəstəyinə ehtiyac var. Dost Azərbaycanı hər zaman yüksək qiymətləndirdiklərini  xüsusi vurğulayan Pakistan Parlamentinin senatoru, Parlamentin sabiq vitse-prezidenti Ch. Mohammad Jaffar İqbal münasibətlərimizin daha da inkişafı bizi məmnun edir və əməkdaşlığımızı bütün istiqamətlərdə bundan sonra da daha genişləndirilməsi istqamətində çalışmalarımızı artırmalıyıq deyib. Dağlıq Qarabağ münaqişəsi, Xocalı Soyqırımının tanınması ilə bağlıbirmənalı mövqeyi olduğunu və bunun heç bir zaman dəyişməyəcəyini deyən Pakistan Parlamentinin senatoru, Parlamentin sabiq vitse-prezidenti Ch. Mohammad Jaffar İqbal bundan sonra da hər zaman qardaş Azərbaycanın yanında olacağıq deyib.  Sizi Azərbaycanda görməkdən məmnun olacağıq deyən millət vəkili Qənirə Paşayeva Pakistan Parlamentinin senatoru, Parlamentin sabiq vitse-prezidenti Ch. Mohammad Jaffar İqbala müəllifi olduğu kitabları, həmçinin həmmüəllifi olduğu “Xocalı Soyqırım şahidlərin dilindən” kitabını və rəhbərlik etdiyi Avrasiya Beynəlxalq Araşdırmalar İnstitutu İB-nın hazırladığı və içərisində Qarabağ həqiqətlərini, erməni yalanlarını əks etdirən sənədli filmlərin olduğu “Azərbaycan həqiqətləri” filmləri kataloqunu da hədiyyə edib. Bundan başqa Azərbaycan tarixi, ədəbiyyatı və mədəniyyəti ilə bağlı kitab və materiallar, musiqi albomları da Pakistan Parlamentinin senatoru, Parlamentin sabiq vitse-prezidenti Ch. Mohammad Jaffar İqbala hədiyyə olunub.  Millət vəkili Qənirə Paşayeva Pakistan Parlamentinin senatoru, Parlamentin sabiq vitse-prezidenti Ch. Mohammad Jaffar İqbala Pakistan, Pakistan-Azərbaycan münasibətləri ilə bağlı yazdığı kitabla da bağlı  geniş  fikir mübadiləsi aparıb. Pakistan Parlamentinin senatoru, Parlamentin sabiq vitse-prezidenti Ch. Mohammad Jaffar İqbala belə bir önəmli  addıma  görə təşəkkürünü bildirərək  Pakistanı Azərbaycanda, Azərbaycanı da Pakistanda daha da geniş tanıdan layihələrin böyük önəmi daşıdığını deyib.