我一向好少 share 燒山 啲嘢，不過， 燒山 呢個預測，關乎一眾香港人嘅投資決定，有助趨吉避凶，呢集係12月6日嘅最新蕭析，大家可以自行參透。
照標題講，呢集 燒山 嘅貼士係：
1. 沽定人民幣
2. 沽定期指
3. 樓市仲未死得住
以 燒山 一貫料事如神，百發百中，佢講撐邊個，就衰邊個，由香港、美國到奧地利都無得避，再加上客觀市場環境嘅狀況，除非有另一位法力比 燒山 更高強嘅燈神對沖（嗱，如果有死亡之握之稱嘅馬英九直接出手，無人敢包，因為馬英九嘅法力，係無可估量），否則我睇以上預測，真係雖然不中亦不遠矣。為咗多謝燒山 ，所以我呢度罕有咁share 燒山嘅YouTube。
大家希望 燒山 喺可見將來，提供更多賽馬、六合彩、股票貼士，甚至出手令689可以早日好好照顧梁齊昕，屆時 燒山 真係功德無量， 燒山 好嘢，多謝 燒山 響徹於維港兩岸，不絕於耳。講真，有時唔準係運氣欠佳，次次都開對家，呢啲係法力同實力非凡嘅表現，並唔係個個都可以做得到，無番咁上下修為都做唔到。