Ceri Dupree parmantig en ongepoets

Bly weg as jy maklik aanstoot neem. Dit is veiliger om ouma se hekelpenne te gaan haal en intussen ’n jakkie vir die winter te hekel, want vlugsout en ’n koue asynlappie vir die voorkop gaan jy beslis nodig hê.

As kabaretster, skerpskertser, fopdosser en sanger is die Brit Ceri Dupree parmantig, ongepoets en geensins polities korrek nie. As jou verwysingsveld slegs tot by die grense van Suid-Afrika of tot die musiek van Bobby van Jaarsveld strek, bly tuis.