ខេត្តប៉ៃលិន ៖ សពយោធាខ្មែរម្នាក់ស្លាប់យ៉ាងអាណោចអាធម ហើយត្រូវគេដឹកតាមរថយន្តបញ្ជូនតាមច្រកទ្វារអន្តរជាតិព្រំ ក្នុងភូមិផ្សារព្រំ ឃុំស្ទឹងកាច់ ស្រុកសាលាក្រៅ ។
ប្រភពបានឱ្យដឹងថា ជនរងគ្រោះបានឆ្លងដែនខុសច្បាប់ចូលទៅនាំយកម៉ូតូ រថយន្ត និងឈើគ្រញូងមកលក់នៅខេត្តប៉ៃលិន លុះពេលទាហានឈុតប៉ារ៉ាប្រចាំការនៅទីនោះ ឃើញក៏ស្ទាក់បាញ់នឹងកាំភ្លើងចំក្បាល១គ្រាប់ បណ្តាលឱ្យស្លាប់ភ្លាមៗនៅនឹងកន្លែងតែម្តង កាលពីវេលាព្រលប់ថ្ងៃទី០២ ខែតុលា ឆ្នាំ២០១៥ ស្ថិតនៅចំណុចប ង្គោលឡាក់លេខ៦២ ចន្លោះបង្គោលឡាក់លេខ៦៤ ក្នុងខេត្តចាន់បូរី ប្រទេសថៃ ជាប់ព្រំ ដែនខេត្តប៉ៃលិន ។
លុះនៅរសៀលថ្ងៃទី០៣ តុលា នេះ សាកសពជនរងគ្រោះត្រូវខាងទាហានទំនាក់ទំនងព្រំដែនខ្មែរទាក់ទងទៅខាងភាគីថៃ ដើម្បីចូលទៅដឹកបញ្ជូនសពតាមរថយន្តមកធ្វើបុណ្យតាមប្រពៃណី ។
ប្រភពបានឱ្យដឹងទៀតថា ជនរងគ្រោះឈ្មោះពេជ្រ ប៊ុនសេត ភេទប្រុស អាយុ៣៨ឆ្នាំ ជាយោធាកងពលលេខ៥២ នៅខេត្ត បាត់ដំបង មានស្រុកកំណើតរស់នៅភូមិទំនប់ទឹក ឃុំបវេល ស្រុកបវេល ខេត្តបាត់ដំបង បច្ចុប្បន្នរស់នៅភូមិអូរឈើក្រំ ឃុំស្ទឹងកាច់ ស្រុកសាលាក្រៅ ។
ព័ត៌មានលម្អិតនឹងផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ