Mr. Wally 又被趕事件:要搵ICAC?

Mr. Wally

持香港身份證同香港Working Holiday VISA嘅 Mr. Wally 又被警察針對,仲要同場有唔少大媽喺度收錢唱埋啲bad taste歌,雖然警方聲稱有人報案,至要查 Mr. Wally 係咪行乞,只不過我認為,呢件事交俾廉政公署 ICAC 跟進,認真要求廉署調查,究竟旺角警署係唔係有人收受利益查案仲好過。

Mr. Wally 阿水都知,點解唔查咗啲大媽先

講擾民,旺角行人專用區啲大媽擾民好多,連商戶都要用隔音屏障,用常理都知,噪音係不能接受,我相信向旺角警署舉報過啲大媽嘅人好多,相反, Mr. Wally 好多人都知乜水,點解警察唔趕走啲大媽走去搞 Mr. Wally ?呢啲咁無常規嘅辦案方式,除咗四大探長年代,我睇唔到一個正常警隊會係咁辦案囉,所以,公眾係有合理懷疑旺角警署有警員收咗片,要趕走旺角啲大媽,保住 Mr. Wally 嘅最有效方法,就係公眾集體向廉署舉報,由廉署睇有無警員明顯係收咗片,如果唔係收咗片,其實啲大媽一早消失咗先係。

而我都相信,喺旺角行人專用區啲大媽,可能涉及相當豐厚嘅犯罪收益,所以佢地為咗自己利益向警察派片一啲都唔奇,你睇果啲攞住綜援嘅老伯,俾錢俾啲大媽幾慷慨至得。

大家比較中環果啲中國嚟乞兒,警方處事嘅態度,同埋旺角啲大媽就明,中區警署啲Sir係唔只一次同我明確表示,係希望掃蕩喺中環出沒果班乞兒,而佢地接到多投訴,以及有人願意作證作有效檢控之後,確係收歛咗唔少,啲軍裝都唔見得鍾意呢班友。但我睇唔到旺角警署啲阿Sir有心大力掃蕩呢啲大媽,否則金鋪點會搞到要用建築用嘅隔音屏障至得㗎,以香港金鋪,電器鋪後面果啲財團惡嘅程度,其實警方應該千方百計令呢班大媽消失至係,但依家係班大媽消滅晒所有喺旺角行人專用區嘅公共空間喎,成件事完全唔合理嘅,如果唔係有人貪污,又點可能係咁。 Mr. Wally 未必本人可以睇到有集團式貪污出現,但香港人普遍應該都可以推測到,有明顯嘅集體貪污,甚至涉及幫會嘅貪污,喺旺角警署發生緊。

發佈留言

發佈留言必須填寫的電子郵件地址不會公開。 必填欄位標示為 *