ជាតិ
×![]()
ដោយ: ធឿន បញ្ញាឬទិ្ធ
ក្រសួងបរិស្ថានបាននិរាករណ៍អាជ្ញាបណ្ណទទួលដីសម្បទានពីក្រុមហ៊ុនមួយចំនួនបន្ថែមទៀត នៅដើមឆ្នាំ២០១៥នេះ ដែលធ្វើឲ្យចំនួនក្រុមហ៊ុនសរុប ដែលក្រសួងបរិស្ថានបានដកហូតសិទ្ធិនោះ កើនឡើងដល់ចំនួន២៣ ហើយ បើគិតចាប់តាំងពីឆ្នាំ២០១៤មក។ ព័ត៌មាននេះត្រូវបានប្រកាសដោយលោក សាយ សំអាល់ រដ្ឋមន្ត្រីក្រសួងបរិស្ថាន នៅព្រឹកថ្ងៃអង្គារនេះ នៅក្នុងសន្និសីទកាសែតមួយ។
លោករដ្ឋមន្ត្រីវ័យក្មេងជាងគេក្នុងរដ្ឋាភិបាលកម្ពុជាបានបញ្ជាក់ថា ផ្ទៃដីសម្បទានសរុបរបស់ក្រុមហ៊ុនទាំង២៣នោះ មានចំនួន៩០៦៨២ហិចតា។ លោករដ្ឋមន្ត្រីបានប្រាប់ឲ្យដឹងបន្ថែមយ៉ាងដូច្នេះ៖«មានក្រុមហ៊ុន៣ដែលបានប្រគល់ដីសម្បទានមករដ្ឋាភិបាលវិញ ក្នុងទំហំសរុប ២៥៨៥៥ហិចតា។ មានក្រុមហ៊ុនចំនួន២ ដែលរដ្ឋាភិបាលកាត់បន្ថយទំហំដីសម្បទានវិញ ពី១០៣៨៩ហិចតា មកត្រឹម២៣៥ហិចតា និងក្រុមហ៊ុនចំនួន៤ទៀត ដែលរដ្ឋាភិបាលទុកឱកាស និងកំពុងត្រួតពិនិត្យ អោយរៀបចំនិតិវិធី នៅក្នុងអំឡុងពេល៦ខែ ទៅ ១ឆ្នាំ មានទំហំ២១២៤១ហិចតា»។
បើតាមការអះអាងលោក សាយ សំអាល់ ក្រុមហ៊ុនដែលទទួលបានដីសម្បទានពីរដ្ឋាភិបាល មានចំនួន១១៣ក្រុមហ៊ុន ដែលមានទំហំផ្ទៃដីជាង៥០ម៉ឺនហិចតា៕
លោករដ្ឋមន្ត្រីវ័យក្មេងជាងគេក្នុងរដ្ឋាភិបាលកម្ពុជាបានបញ្ជាក់ថា ផ្ទៃដីសម្បទានសរុបរបស់ក្រុមហ៊ុនទាំង២៣នោះ មានចំនួន៩០៦៨២ហិចតា។ លោករដ្ឋមន្ត្រីបានប្រាប់ឲ្យដឹងបន្ថែមយ៉ាងដូច្នេះ៖«មានក្រុមហ៊ុន៣ដែលបានប្រគល់ដីសម្បទានមករដ្ឋាភិបាលវិញ ក្នុងទំហំសរុប ២៥៨៥៥ហិចតា។ មានក្រុមហ៊ុនចំនួន២ ដែលរដ្ឋាភិបាលកាត់បន្ថយទំហំដីសម្បទានវិញ ពី១០៣៨៩ហិចតា មកត្រឹម២៣៥ហិចតា និងក្រុមហ៊ុនចំនួន៤ទៀត ដែលរដ្ឋាភិបាលទុកឱកាស និងកំពុងត្រួតពិនិត្យ អោយរៀបចំនិតិវិធី នៅក្នុងអំឡុងពេល៦ខែ ទៅ ១ឆ្នាំ មានទំហំ២១២៤១ហិចតា»។
បើតាមការអះអាងលោក សាយ សំអាល់ ក្រុមហ៊ុនដែលទទួលបានដីសម្បទានពីរដ្ឋាភិបាល មានចំនួន១១៣ក្រុមហ៊ុន ដែលមានទំហំផ្ទៃដីជាង៥០ម៉ឺនហិចតា៕
© រក្សាសិទ្ធិដោយ thmeythmey.com
