BNO 有無居歐權，平唔平權，親北京呢班人渣暴跳如雷，一邊話唔鍾意中國可以走去外國，另一方面，又千方百計意圖封 BNO 門，其實中共國共產黨係諗乜。
BNO 係中共嘅刺
點解馬來西亞華人喺新馬分家後被迫害到咁慘，其實好簡單，就係因為檳城同馬六甲華人係有英國護照，但去到BNA 1981之後得本BOC，BOC認受性好低，所以馬來西亞華人明知被大馬巫統魚肉都要忍受，直至民主行動黨同公正黨聯手，攞到多個州嘅執政權為止。新加坡選擇分家，某程度上都因為新加坡知道，留喺大馬一定被玩得好慘，新加坡人係連英籍護照都唔係CUKC添(果陣已經係Citizen of Singapore)，當你知道呢個南洋史嘅因由，你就知好似果件澳門人，或者張志剛都係一班人渣嚟。
當然，一直以嚟我嘅平權策略，其實都係兩樣，就係確立BNO嘅英國認同，同埋強調香港喺無公投情況下出賣俾一個共產黨政權，然後慢慢加BNO嘅rights，好似BNA 1981 Section 4B同 YMS Tier-5 Visa，呢個基本上係順住新工黨上台後嘅大趨勢嚟玩，就算保守黨上咗台，因為貝理雅提出嘅新英國其實大勢已成，所以保守黨都要順住呢個遊戲玩落去，甚至包括彭定康都係。BREXIT依家要㩒停，其實都係1997年貝理雅上台後嘅大勢使然，呢個係讀大歷史嘅人，會睇到嘅嘢。
至於居歐權呢個玩法，其實唔係歐洲國家嘅administrative error，2001年德國一定要神根簽證＋Residence Permit，早喺2001年，我已經幫過人處理BNO去德國簽證同Residence Permit，奧地利都唔會無喇喇幫BNO做EU登記，你估歐洲國家真係唔知BNO係乜。我喺2008年收到居歐權嘅報告(我跟咗BNO問題超過二十幾年)，包括有人收到自由行動證書，ECHR一個判決後產生。對我嚟講，居歐權變咗 BNO 逃生門，純粹係一個意料之外嘅事，甚至當中嘅法律原理，去到我喺德國住，德國有人詳細話番俾我聽。呢部分，我喺收費版講，唔會喺度多講。但ECHR判決出咗，其實大家都知， BNO 唔找數呢個遊戲，英國係玩唔落去，只不過一拖拖咗咁耐咁解。
中共以為自己有巫統咁好彩，唔係囉，巫統好歹當年係反共盟友，依家中共自己就係西方敵人。北京乜時候會支持 BNO 平權，就係 BNO 被洗腦到好似共青團啲中國五毛，或者澳門人一樣，就會囉。點解中國唔反對澳門人揸葡國護照，你睇澳門人在英國係乜款就明晒喇。