林鄭月娥 嘅垃圾內閣執咗佢吧

林鄭月娥 一直被人話個廚房熱到傻，無人想入佢個內閣。依家醜婦終須見家翁，北京公布咗「依 林鄭月娥 建議」委任嘅內閣成員，只不過呢，成個內閣成員，除咗羅致光唔係嚟自政府，係嚟自民主黨(應該講，係投共)，其他果啲都係政府人。

留劏房波做財政司司長， 林鄭月娥 執咗佢吧

成個內閣啲人掂唔掂，只要睇一樣嘢，係財政司司長，只要財政司司長繼續由劏房波做，都可以肯定係 689 2.0，果然， 林鄭月娥 搵劏房劏到遠近馳名嘅陳茂波做財政司司長，你仲覺得 林鄭月娥 有自主權？大家可以睇到一樣嘢，除咗公務員事務、福利呢啲純內政，北京暫時唔知搵乜人主理嘅事項，其他嘢都係張曉明嘅人睇到實，所以呢個內閣只能用垃圾內閣嚟形容，既然係垃圾內閣，就不如執咗佢吧喇。你認為 林鄭月娥 會有新政？我只可以講， 林鄭月娥 依家係等暴動發生，因為呢個內閣啲人，大部分都係垃圾到無朋友，全部都有挑動一場暴動同革命嘅實力，咁多狗屎垃圾拉埋一齊，你會點睇香港嘅未來，大家都可以估到未來香港將會係點。

有啲人話，香港呢班港豬，邊度敢暴動，無錯，香港人好多都係順民，甚至為咗自己著數，出賣埋香港人一份，只不過，呢個世界仲有一樣嘢，係官迫民反，民不能不反，中國歷次革命，都係啲官做到過晒火位，偶然有一兩條友頂唔住，跟住好似骨牌效應咁蔓延開去。唔好講其他人，除咗劏房波，仲有一件邱騰華，邱騰華呢條友嘅傲慢程度，都絕對係引發暴亂嘅人選嚟，有啲嘢，蘇錦樑呢件滑頭未必敢去到咁盡，但邱騰華就真係好難講，佢做環境局局長果陣，畢竟都有唔少往績，停車熄匙都搞到一鑊粥出嚟，你覺得佢做商務及經濟發展局唔會有鑊氣，我睇怕佢轄下嘅天文台，都已經係鑊氣之選，衰過李氏力場都可能會有。

雖然我知呢個內閣啲牌面人物都係垃圾，只不過，我都想知道啲副局長有幾垃圾，傳聞教育局副局長係土共蔡若蓮，睇嚟果條仆街係黨委書記嚟。仲有，黃永係唔係新聞統籌專員，我真係好想知，條友又會唔會側側膊唔多覺，入咗政府唔通知全世界人。