ជាតិ
នយោបាយជាតិ
×![]()
អ្នកវិភាគ និងអ្នកតាមដានស្ថានការណ៍នយោបាយខ្មែរ ហ៊ានទស្សន៍ទាយទុកជាមុនថា នៅអាណត្តិក្រោយនេះ លោកនាយករដ្ឋមន្ត្រី ហ៊ុន សែន ទំនងជាអាចឈប់ធ្វើជាបេក្ខភាពនាយករដ្ឋមន្ត្រីនៅក្នុងការបោះឆ្នោតជ្រើសតាំងតំណាងរាស្ត្រអាណត្តិក្រោយ ។ មូលហេតុដែលពួកគេ និយាយដូច្នេះ ដោយសារលោក លោក ហ៊ុន សែន ចង់មានកិត្តិយសល្អ និងពង្រឹងភាពរឹងមាំក្នុងបក្សឡើងវិញ ព្រមទាំងដើម្បីបន្តតំណែងឲ្យកូនរបស់ខ្លួន។ ជាងនេះទៀត ប្រសាសន៍របស់លោកនាយករដ្ឋមន្ត្រីក្នុងរយៈពេលចុងក្រោយនេះ ក៏ជាមូលបទនៃការសន្និដា្ឋនរបស់អ្នកវិភាគទាំងនោះផងដែរ ។ អ្នកវិភាគអះអាងថា បេក្ខជននាយករដ្ឋមន្ត្រីថ្មីរបស់គណបក្សប្រជាជនកម្ពុជា ដែលអាចជំនួសលោក ហ៊ុន សែន សក្តិសមជាងគេនៅអាណត្តិក្រោយនោះ គឺលោក ស ខេង និងលោក ហ៊ុន ម៉ាណែត ។ 
លោក អ៊ូ វីរៈ និងលោក កែម ឡី សុទ្ធតែហ៊ានទាយទុកថា លោក ហ៊ុន សែន អាចនឹងឈប់ធ្វើជាបេក្ខភាពនាយករដ្ឋមន្ត្រីនៅក្នុងការបោះឆ្នោតអាណត្តិទី៦ ឆ្នាំ ២០១៨ ខាងមុខនេះ។ ហើយអ្នកតាមដានស្ថានការណ៍នយោបាយទាំងពីរបានប្រមើលឃើញ ដូចគ្នាថាលោក ស ខេង រដ្ឋមន្ត្រីក្រសួងមហាផ្ទៃ និងលោក ហ៊ុន ម៉ាណែត កូនប្រុសបង្កើតលោក ហ៊ុន សែន អាចជាបេក្ខភាពនាយករដ្ឋមន្ត្រីថ្មីនោះ។ តែហេតុផល ដែលលោក ហ៊ុន សែន អាចឈប់ឈរជាបេក្ខភាពនាយករដ្ឋមន្ត្រី ត្រូវអ្នកស្រាវជ្រាវ និងអ្នកវិភាគនយោបាយទាំងពីរនេះបរិយាយផ្សេងៗគ្នា។
លោក អ៊ូ វីរៈ អ្នកស្រាវជ្រាវឯករាជ្យ និងជាអ្នកវិភាគនយោបាយ បានលើកហេតុផលចំនួន ៣ ចំណុចសំខាន់ ដែលធ្វើឲ្យលោក ហ៊ុន សែន អាចកាត់ចិត្តលែងស្រឡាញ់កៅអីនាយករដ្ឋមន្ត្រីតទៅទៀត។ លោកវីរៈប្រាប់ថា ទី១ គឺលោក ហ៊ុន សែន ចង់រក្សាកិត្តិយសល្អខ្លះ ទាំងបច្ចុប្បន្ន និងសម្រាប់ប្រវត្តិសាស្ត្រ។ លោក វីរៈពន្យល់យ៉ាងនេះថា៖ « បច្ចុប្បន្នលោក ហ៊ុន សែន ត្រូវប្រជាពលរដ្ឋរិះគន់គ្រប់គ្នា ហើយបើគាត់ឈប់ធ្វើនាយករដ្ឋមន្ត្រីនាពេលនេះដោយចិត្តឯង អាចធ្វើឲ្យពលរដ្ឋភាគច្រើនបែរចិត្តមកកោតសរសើរការសម្រេចចិត្តរបស់គាត់វិញ»។ រីឯចំណុចទី ២ ដែលលោក អ៊ូ វីរៈ ចាត់ទុកថា ជាមូលហេតុសំខាន់ដែរនោះ គឺថា លោក ហ៊ុន សែន នឹងត្រូវទទួលតំណែងជាប្រធានបក្សជំនួសលោក ជា ស៊ីម។ លោកថា ដំណែងជាប្រធានបក្សនេះ ជាកត្តាមិនអាចធ្វើឲ្យលោក ហ៊ុន សែន ឈរជាបេក្ខភាពនាយករដ្ឋមន្ត្រីតទៅមុខទៀត។ លោក អ៊ូ វីរៈ បញ្ជាក់បន្ថែមថា៖ «គាត់ធ្វើជាប្រធានបក្ស ដើម្បីគណបក្សនេះរឹងមាំ និងរួបរួមគ្នាផ្ទៃក្នុង។ គាត់មិនអាចធ្វើប្រធានបក្សហើយ ធ្វើជានាយករដ្ឋមន្ត្រីទៀតនោះទេ។ គាត់ត្រូវនៅគ្រាន់តែជាម្លប់របស់បក្សនេះ។ ហើយបើគាត់ឈប់ បក្សអាចទាក់ទាញប្រជាប្រិយភាពជាងមុន» ។
ចំណុចចុងក្រោយ ដែលជាចំណុចទី ៣ នោះ លោក អ៊ូ វីរៈ មើលឃើញថា បើលោក ហ៊ុន សែន ឈប់ឈរជាបេក្ខភាពនាយករដ្ឋមន្ត្រី វាអាចបង្កលក្ខណៈកាន់តែស្រួល ដើម្បីឲ្យកូនរបស់លោក គឺលោក ហ៊ុន ម៉ាណែត អាចបន្តវេនពីលោកបាន។ លោក អ៊ូ វីរៈ អត្ថាធិប្បាយយ៉ាងដូច្នេះ ៖« លោក ហ៊ុន សែន នឹងសម្លឹងឃើញអនាគតកូនគាត់ជាបេក្ខភាពនាយករដ្ឋមន្ត្រី ដើម្បីជំនួសខ្លួន» ។ តែយ៉ាងណាក៏ដោយ លោក អ៊ូ វីរៈ អះអាងថា ប្រសិនបើអាណត្តិក្រោយលោក ហ៊ុន សែន ឈប់ឈរជាបេក្ខភាពនាយករដ្ឋមន្ត្រីភ្លាម ហើយដាក់ជំនួសកូនរបស់ខ្លួនតែម្តង វាក៏នឹងប្រឈមមុខនឹងការបែកបាក់ផ្ទៃក្នុង។ សម្រាប់អ្នកវិភាគរូបនេះ បេក្ខជនដែលសក្តិសមនៃតំណែងនាយកមន្ត្រីជំនួសលោក ហ៊ុន សែន បាន គឺមានតែលោក ស ខេង ប៉ុណ្ណោះ។ លោកថា លោក ស ខេង ជាមន្ត្រីជាន់ខ្ពស់ និងមានប្រជាប្រិយភាពក្នុងជួរបក្ស និងជាមន្ត្រីដែលអ្នកគាំទ្រគណបក្សប្រជាជនកម្ពុជាទទួលស្គាល់។
ងាកមកចាប់អារម្មណ៍ពីទស្សនៈលោក កែម ឡី វិញម្តង។ លោក កែម ឡី មុននឹងផ្តើមការអត្ថាធិប្បាយរបស់ខ្លួន បានចំអកឲ្យលោក ហ៊ុន សែន ថា «ជានាយករដ្ឋមន្ត្រី ដែលមិនចេះខ្មាសគេ ពីព្រោះតែប្រជាពលរដ្ឋនិន្ទារាល់ថ្ងៃ»។ « បើខ្ញុំជាគាត់ ខ្ញុំចុះចេញយូរបាត់ហើយ វាមានកិត្តិយសជាង។ ខ្ញុំមិនសុខចិត្តធ្វើជានាយករដ្ឋមន្ត្រី ដូចគាត់ ដែលគេជេររាល់ថ្ងៃនោះឡើយ»។ នេះជាការពេបជ្រាយរបស់លោក កែម ឡី។ ក្រោយពីពេបជ្រាយដាក់លោក ហ៊ុន សែន រួច អ្នកវិភាគរូបនេះ បានប្រមើលមើលទុកដូចលោក អ៊ូ វីរៈថា អាណត្តិក្រោយ លោក ហ៊ុន សែន ប្រហែលជានឹងឈប់ឈរជាបេក្ខភាពនាយករដ្ឋមន្ត្រី ពីព្រោះតែបេក្ខភាពរបស់លោក លែងមានប្រជាប្រិយភាពទៀតហើយ។
អ្នកវិភាគខាងលើ បានមើលឃើញមនុស្សដែលអាចជំនួសលោក ហ៊ុន សែន ក្នុងជួរគណបក្សប្រជាប្រជាជនកម្ពុជាបាន គឺលោក ស ខេង និងកូនលោក ហ៊ុន សែន គឺលោក ហ៊ុន ម៉ាណែត។ « បើលោក ហ៊ុន សែន គាត់ចែកអំណាចឲ្យកូនមន្ត្រីធំៗក្នុងបក្ស មានតួនាទីច្រើនក្នុងរដ្ឋាភិបាល គាត់អាចទាញកូនខ្លួនចូលជាបេក្ខភាពនាយករដ្ឋមន្ត្រី ដោយមិនសូវមានការបែកបាក់ផ្ទៃក្នុង ។ លោក កែម ឡី បន្តលើកឡើងទៀតថា៖ «តែបើគាត់ឆ្លាតមួយទៀត គឺធ្វើតាមរបបកុម្មុយនីស្ត នៅពេលខ្លួនឈប់ លោក ហ៊ុន សែន កុំទាន់ដាក់បេក្ខភាពកូនខ្លួនចូល តែឲ្យមន្ត្រីជាន់ខ្ពស់ណាមួយដូចជា លោក ស ខេង ជាដើម កាន់តំណែងមួយរយៈសិន ហើយចាំផ្ទេរឲ្យកូនលោកតាមក្រោយ»។
ជាមួយគ្នានេះដែរ លោក កែម ឡី អះអាងថា បេក្ខជននាយករដ្ឋមន្ត្រីដែលសក្តិសមមួយទៀតជំនួសលោក ហ៊ុន សែន នោះ គឺលោករដ្ឋមន្ត្រីក្រសួងអប់រំ ហង់ ជួន ណារ៉ុន ។ លោកថា លោក ហង់ ជួន ណារ៉ុន ជាមន្ត្រីដែលមានឥរិយាបទថ្លៃថ្នូរ និងមានចរិតប្រជាធិបតេយ្យ ដែលអាចពង្រឹងប្រជាប្រិយភាពគណបក្សប្រជាជនកម្ពុជាវិញ។
បន្ថែមពីលើការសន្និដ្ឋានរបស់លោក កែម ឡី និង លោក អ៊ូ វីរៈ ដែលថា លោក ហ៊ុន សែន អាចនឹងលែងឈរជាបេក្ខភាពនាយករដ្ឋមន្ត្រីអាណត្តិក្រោយនោះ ក៏មានក្រុមអ្នកតាមដានស្ថានការណ៍នយោបាយខ្លះទៀត សង្ស័យដូចគ្នាដែរ។ ក្រុមអ្នកចុងក្រោយនេះ បានពិចារណាទៅលើសេចក្តីថ្លែងការណ៍មួយចំនួនរបស់លោកនាយករដ្ឋមន្ត្រីកន្លងមក ដែលអាចធ្វើឲ្យគេយល់បានថា ទំនងជាលោកអាចឈប់ធ្វើជានាយករដ្ឋមន្ត្រីចាប់ពីអាណត្តិក្រោយ។ ទាក់ទងនឹងការកសាងទំនប់វារីអគ្គិសនីតំបន់អារ៉ែង កាលពីថ្ងៃទី ២៤ ខែ កុម្ភៈ កន្លងទៅ លោក ហ៊ុន សែន បានថ្លែងយ៉ាងដូច្នេះថា៖« ខ្ញុំសូមបញ្ជាក់ថា ពីពេលនេះ ដល់ឆ្នាំ២០១៨ អត់មានឲ្យធ្វើ(ទំនប់វារីអគ្គិសនីតំបន់អារ៉ែង) ទេ តាមគំនិតរបស់ខ្ញុំ ទុកឲ្យក្មេងជំនាន់ក្រោយជាអ្នកធ្វើវិញ» ។ បន្ទាប់ពីថ្លែងបែបនេះ លោក ហ៊ុន សែន បានប្រកាសថា លោកមិនអាចធ្វើនាយករដ្ឋមន្ត្រីដល់អាយុ ៩០ ឆ្នាំ ដូចការលើកឡើងរបស់ខ្លួនកន្លងមកនោះទេ។ « អ្នកណាធ្វើនាយករដ្ឋមន្ត្រីដល់អាយុ ៩០ ឆ្នាំនោះ វាមិនដែល ឪពុកខ្ញុំរស់បានតែ ៩០ ឆ្នាំ គាត់ស្លាប់ …… ។ កាលនោះខ្ញុំមូម៉ៅពេក ខ្ញុំនិយាយថា ពេលនោះខ្ញុំនៅក្មេង ស្រាប់តែមានម្នាក់នោះ និយាយថា លោក ហ៊ុន សែន មិនគួរយកអាយុធ្វើជាលក្ខខណ្ឌនៃការចូលនិវត្តទេ ។ កាលនោះ ខ្ញុំប្រកាសថា ខ្ញុំធ្វើនាយករដ្ឋមន្ត្រី ដល់អាយុ ៩០ ឆ្នាំ តែម្តង។ ប៉ុន្តែយើងគិតមើលជួនកាលយើងខ្លួនឯងហ្នឹងរស់នៅមិនដល់អាយុ ៩០ ឆ្នាំផង កុំថាដល់ធ្វើការ» ។ នេះជាការបញ្ជាក់របស់លោកនាយរដ្ឋមន្ត្រីវ័យ ៦២ ឆ្នាំរូបនេះ នៅក្នុងទិវាវប្បធម៌ជាតិ ៣ មីនា នៅសាលចតុមុខ កន្លងទៅ។
យ៉ាណាក៏ដោយ នេះគ្រាន់តែជាការរំពឹងទុករបស់លោក កែម ឡី និង លោក អ៊ូ វីរៈ ព្រមទាំងអ្នកតាមដានស្ថានការណ៍នយោបាយខ្មែរប៉ុណ្ណោះ។ តែការបន្តបេក្ខភាពជានាយករដ្ឋមន្ត្រីទៀត ឬមិនបន្តរបស់លោក ហ៊ុន សែន នោះ មានតែរង់ចាំមើលការប្រកាសផ្ទាល់ពីមាត់លោក ហ៊ុន សែន និងការបោះឆ្នោតអាណត្តិក្រោយ តែប៉ុណ្ណោះ ៕
លោក អ៊ូ វីរៈ និងលោក កែម ឡី សុទ្ធតែហ៊ានទាយទុកថា លោក ហ៊ុន សែន អាចនឹងឈប់ធ្វើជាបេក្ខភាពនាយករដ្ឋមន្ត្រីនៅក្នុងការបោះឆ្នោតអាណត្តិទី៦ ឆ្នាំ ២០១៨ ខាងមុខនេះ។ ហើយអ្នកតាមដានស្ថានការណ៍នយោបាយទាំងពីរបានប្រមើលឃើញ ដូចគ្នាថាលោក ស ខេង រដ្ឋមន្ត្រីក្រសួងមហាផ្ទៃ និងលោក ហ៊ុន ម៉ាណែត កូនប្រុសបង្កើតលោក ហ៊ុន សែន អាចជាបេក្ខភាពនាយករដ្ឋមន្ត្រីថ្មីនោះ។ តែហេតុផល ដែលលោក ហ៊ុន សែន អាចឈប់ឈរជាបេក្ខភាពនាយករដ្ឋមន្ត្រី ត្រូវអ្នកស្រាវជ្រាវ និងអ្នកវិភាគនយោបាយទាំងពីរនេះបរិយាយផ្សេងៗគ្នា។
លោក អ៊ូ វីរៈ អ្នកស្រាវជ្រាវឯករាជ្យ និងជាអ្នកវិភាគនយោបាយ បានលើកហេតុផលចំនួន ៣ ចំណុចសំខាន់ ដែលធ្វើឲ្យលោក ហ៊ុន សែន អាចកាត់ចិត្តលែងស្រឡាញ់កៅអីនាយករដ្ឋមន្ត្រីតទៅទៀត។ លោកវីរៈប្រាប់ថា ទី១ គឺលោក ហ៊ុន សែន ចង់រក្សាកិត្តិយសល្អខ្លះ ទាំងបច្ចុប្បន្ន និងសម្រាប់ប្រវត្តិសាស្ត្រ។ លោក វីរៈពន្យល់យ៉ាងនេះថា៖ « បច្ចុប្បន្នលោក ហ៊ុន សែន ត្រូវប្រជាពលរដ្ឋរិះគន់គ្រប់គ្នា ហើយបើគាត់ឈប់ធ្វើនាយករដ្ឋមន្ត្រីនាពេលនេះដោយចិត្តឯង អាចធ្វើឲ្យពលរដ្ឋភាគច្រើនបែរចិត្តមកកោតសរសើរការសម្រេចចិត្តរបស់គាត់វិញ»។ រីឯចំណុចទី ២ ដែលលោក អ៊ូ វីរៈ ចាត់ទុកថា ជាមូលហេតុសំខាន់ដែរនោះ គឺថា លោក ហ៊ុន សែន នឹងត្រូវទទួលតំណែងជាប្រធានបក្សជំនួសលោក ជា ស៊ីម។ លោកថា ដំណែងជាប្រធានបក្សនេះ ជាកត្តាមិនអាចធ្វើឲ្យលោក ហ៊ុន សែន ឈរជាបេក្ខភាពនាយករដ្ឋមន្ត្រីតទៅមុខទៀត។ លោក អ៊ូ វីរៈ បញ្ជាក់បន្ថែមថា៖ «គាត់ធ្វើជាប្រធានបក្ស ដើម្បីគណបក្សនេះរឹងមាំ និងរួបរួមគ្នាផ្ទៃក្នុង។ គាត់មិនអាចធ្វើប្រធានបក្សហើយ ធ្វើជានាយករដ្ឋមន្ត្រីទៀតនោះទេ។ គាត់ត្រូវនៅគ្រាន់តែជាម្លប់របស់បក្សនេះ។ ហើយបើគាត់ឈប់ បក្សអាចទាក់ទាញប្រជាប្រិយភាពជាងមុន» ។
ចំណុចចុងក្រោយ ដែលជាចំណុចទី ៣ នោះ លោក អ៊ូ វីរៈ មើលឃើញថា បើលោក ហ៊ុន សែន ឈប់ឈរជាបេក្ខភាពនាយករដ្ឋមន្ត្រី វាអាចបង្កលក្ខណៈកាន់តែស្រួល ដើម្បីឲ្យកូនរបស់លោក គឺលោក ហ៊ុន ម៉ាណែត អាចបន្តវេនពីលោកបាន។ លោក អ៊ូ វីរៈ អត្ថាធិប្បាយយ៉ាងដូច្នេះ ៖« លោក ហ៊ុន សែន នឹងសម្លឹងឃើញអនាគតកូនគាត់ជាបេក្ខភាពនាយករដ្ឋមន្ត្រី ដើម្បីជំនួសខ្លួន» ។ តែយ៉ាងណាក៏ដោយ លោក អ៊ូ វីរៈ អះអាងថា ប្រសិនបើអាណត្តិក្រោយលោក ហ៊ុន សែន ឈប់ឈរជាបេក្ខភាពនាយករដ្ឋមន្ត្រីភ្លាម ហើយដាក់ជំនួសកូនរបស់ខ្លួនតែម្តង វាក៏នឹងប្រឈមមុខនឹងការបែកបាក់ផ្ទៃក្នុង។ សម្រាប់អ្នកវិភាគរូបនេះ បេក្ខជនដែលសក្តិសមនៃតំណែងនាយកមន្ត្រីជំនួសលោក ហ៊ុន សែន បាន គឺមានតែលោក ស ខេង ប៉ុណ្ណោះ។ លោកថា លោក ស ខេង ជាមន្ត្រីជាន់ខ្ពស់ និងមានប្រជាប្រិយភាពក្នុងជួរបក្ស និងជាមន្ត្រីដែលអ្នកគាំទ្រគណបក្សប្រជាជនកម្ពុជាទទួលស្គាល់។
ងាកមកចាប់អារម្មណ៍ពីទស្សនៈលោក កែម ឡី វិញម្តង។ លោក កែម ឡី មុននឹងផ្តើមការអត្ថាធិប្បាយរបស់ខ្លួន បានចំអកឲ្យលោក ហ៊ុន សែន ថា «ជានាយករដ្ឋមន្ត្រី ដែលមិនចេះខ្មាសគេ ពីព្រោះតែប្រជាពលរដ្ឋនិន្ទារាល់ថ្ងៃ»។ « បើខ្ញុំជាគាត់ ខ្ញុំចុះចេញយូរបាត់ហើយ វាមានកិត្តិយសជាង។ ខ្ញុំមិនសុខចិត្តធ្វើជានាយករដ្ឋមន្ត្រី ដូចគាត់ ដែលគេជេររាល់ថ្ងៃនោះឡើយ»។ នេះជាការពេបជ្រាយរបស់លោក កែម ឡី។ ក្រោយពីពេបជ្រាយដាក់លោក ហ៊ុន សែន រួច អ្នកវិភាគរូបនេះ បានប្រមើលមើលទុកដូចលោក អ៊ូ វីរៈថា អាណត្តិក្រោយ លោក ហ៊ុន សែន ប្រហែលជានឹងឈប់ឈរជាបេក្ខភាពនាយករដ្ឋមន្ត្រី ពីព្រោះតែបេក្ខភាពរបស់លោក លែងមានប្រជាប្រិយភាពទៀតហើយ។
អ្នកវិភាគខាងលើ បានមើលឃើញមនុស្សដែលអាចជំនួសលោក ហ៊ុន សែន ក្នុងជួរគណបក្សប្រជាប្រជាជនកម្ពុជាបាន គឺលោក ស ខេង និងកូនលោក ហ៊ុន សែន គឺលោក ហ៊ុន ម៉ាណែត។ « បើលោក ហ៊ុន សែន គាត់ចែកអំណាចឲ្យកូនមន្ត្រីធំៗក្នុងបក្ស មានតួនាទីច្រើនក្នុងរដ្ឋាភិបាល គាត់អាចទាញកូនខ្លួនចូលជាបេក្ខភាពនាយករដ្ឋមន្ត្រី ដោយមិនសូវមានការបែកបាក់ផ្ទៃក្នុង ។ លោក កែម ឡី បន្តលើកឡើងទៀតថា៖ «តែបើគាត់ឆ្លាតមួយទៀត គឺធ្វើតាមរបបកុម្មុយនីស្ត នៅពេលខ្លួនឈប់ លោក ហ៊ុន សែន កុំទាន់ដាក់បេក្ខភាពកូនខ្លួនចូល តែឲ្យមន្ត្រីជាន់ខ្ពស់ណាមួយដូចជា លោក ស ខេង ជាដើម កាន់តំណែងមួយរយៈសិន ហើយចាំផ្ទេរឲ្យកូនលោកតាមក្រោយ»។
ជាមួយគ្នានេះដែរ លោក កែម ឡី អះអាងថា បេក្ខជននាយករដ្ឋមន្ត្រីដែលសក្តិសមមួយទៀតជំនួសលោក ហ៊ុន សែន នោះ គឺលោករដ្ឋមន្ត្រីក្រសួងអប់រំ ហង់ ជួន ណារ៉ុន ។ លោកថា លោក ហង់ ជួន ណារ៉ុន ជាមន្ត្រីដែលមានឥរិយាបទថ្លៃថ្នូរ និងមានចរិតប្រជាធិបតេយ្យ ដែលអាចពង្រឹងប្រជាប្រិយភាពគណបក្សប្រជាជនកម្ពុជាវិញ។
បន្ថែមពីលើការសន្និដ្ឋានរបស់លោក កែម ឡី និង លោក អ៊ូ វីរៈ ដែលថា លោក ហ៊ុន សែន អាចនឹងលែងឈរជាបេក្ខភាពនាយករដ្ឋមន្ត្រីអាណត្តិក្រោយនោះ ក៏មានក្រុមអ្នកតាមដានស្ថានការណ៍នយោបាយខ្លះទៀត សង្ស័យដូចគ្នាដែរ។ ក្រុមអ្នកចុងក្រោយនេះ បានពិចារណាទៅលើសេចក្តីថ្លែងការណ៍មួយចំនួនរបស់លោកនាយករដ្ឋមន្ត្រីកន្លងមក ដែលអាចធ្វើឲ្យគេយល់បានថា ទំនងជាលោកអាចឈប់ធ្វើជានាយករដ្ឋមន្ត្រីចាប់ពីអាណត្តិក្រោយ។ ទាក់ទងនឹងការកសាងទំនប់វារីអគ្គិសនីតំបន់អារ៉ែង កាលពីថ្ងៃទី ២៤ ខែ កុម្ភៈ កន្លងទៅ លោក ហ៊ុន សែន បានថ្លែងយ៉ាងដូច្នេះថា៖« ខ្ញុំសូមបញ្ជាក់ថា ពីពេលនេះ ដល់ឆ្នាំ២០១៨ អត់មានឲ្យធ្វើ(ទំនប់វារីអគ្គិសនីតំបន់អារ៉ែង) ទេ តាមគំនិតរបស់ខ្ញុំ ទុកឲ្យក្មេងជំនាន់ក្រោយជាអ្នកធ្វើវិញ» ។ បន្ទាប់ពីថ្លែងបែបនេះ លោក ហ៊ុន សែន បានប្រកាសថា លោកមិនអាចធ្វើនាយករដ្ឋមន្ត្រីដល់អាយុ ៩០ ឆ្នាំ ដូចការលើកឡើងរបស់ខ្លួនកន្លងមកនោះទេ។ « អ្នកណាធ្វើនាយករដ្ឋមន្ត្រីដល់អាយុ ៩០ ឆ្នាំនោះ វាមិនដែល ឪពុកខ្ញុំរស់បានតែ ៩០ ឆ្នាំ គាត់ស្លាប់ …… ។ កាលនោះខ្ញុំមូម៉ៅពេក ខ្ញុំនិយាយថា ពេលនោះខ្ញុំនៅក្មេង ស្រាប់តែមានម្នាក់នោះ និយាយថា លោក ហ៊ុន សែន មិនគួរយកអាយុធ្វើជាលក្ខខណ្ឌនៃការចូលនិវត្តទេ ។ កាលនោះ ខ្ញុំប្រកាសថា ខ្ញុំធ្វើនាយករដ្ឋមន្ត្រី ដល់អាយុ ៩០ ឆ្នាំ តែម្តង។ ប៉ុន្តែយើងគិតមើលជួនកាលយើងខ្លួនឯងហ្នឹងរស់នៅមិនដល់អាយុ ៩០ ឆ្នាំផង កុំថាដល់ធ្វើការ» ។ នេះជាការបញ្ជាក់របស់លោកនាយរដ្ឋមន្ត្រីវ័យ ៦២ ឆ្នាំរូបនេះ នៅក្នុងទិវាវប្បធម៌ជាតិ ៣ មីនា នៅសាលចតុមុខ កន្លងទៅ។
យ៉ាណាក៏ដោយ នេះគ្រាន់តែជាការរំពឹងទុករបស់លោក កែម ឡី និង លោក អ៊ូ វីរៈ ព្រមទាំងអ្នកតាមដានស្ថានការណ៍នយោបាយខ្មែរប៉ុណ្ណោះ។ តែការបន្តបេក្ខភាពជានាយករដ្ឋមន្ត្រីទៀត ឬមិនបន្តរបស់លោក ហ៊ុន សែន នោះ មានតែរង់ចាំមើលការប្រកាសផ្ទាល់ពីមាត់លោក ហ៊ុន សែន និងការបោះឆ្នោតអាណត្តិក្រោយ តែប៉ុណ្ណោះ ៕
© រក្សាសិទ្ធិដោយ thmeythmey.com
«ប្រេសិត»មានន័យដូចម្តេច?
4 ថ្ងៃ
