.
.
In kwalik twee maande sedert die publikasie van dié boek deur die oudtelevisieaanbieder en omroeper Friedel Hansen is kort duskant 1 000 eksemplare verkoop, ’n stewige prestasie in die plaaslike boekbedryf.
Die boek is tegelyk ’n gids en ’n tydsdokument van die stad waaroor die meeste mense ’n mening het – hetsy lofuitinge of siniese grappe – en ’n bevestiging dat waar dit Suid-Afrikaanse geboueskatte aangaan Pretoria maar ’n plek op die podium kan inneem.
Die boek bevat sowat 270 foto’s van omstreeks die 1870’s (15 jaar ná die ontstaan van die stad in 1855) tot die 1920’s en met enkele foto’s wat van die 1940’s is.
