Hoekom nie ’n eie wetenskapfiksie- en fantasiereeks met ’n gewone Suid-Afrikaanse tiener, wat in ’n gewone Suid-Afrikaanse dorp bly en oor gewone dinge soos huiswerk en ouens worry nie, skielik met fantasie of buiteruimtelike wesens te doen laat kry nie?
Dit het Nelia Engelbrecht aan die dink gesit en haar laat glo dat J.K. Rowling se magic ook in ’n Afrikaanse leefwêreld kan geld.
So is haar reeks, Die Poort, die eerste in Afrikaans, gebore. Die eerste twee titels het vanjaar verskyn en te oordeel na die ontvangs, is haar sprokies reeds by grootmenskinders treffers.