林鄭月娥 搵錯教育局長同自殺無分別

柒柒柒特首 林鄭月娥 依家最緊要做嘅事，當然係組閣，否則邊夠時間做嘢。只不過，公眾都留意 林鄭月娥 搵乜人喺內閣，而教育局局長佢會點揀，將會決定呢個無蜜月期嘅特首，一上任係唔係要同民意硬碰硬，同埋條友會唔會走數。

林鄭月娥 嘅教育局局長要得到乜人共識？

由於國民教育、TSA同契丹語教中，搞到啲嘢膠晒，所以 林鄭月娥 搵乜人做教育局局長，呢個局長可以喺以上三個問題上取信於民，唔會好似吳克儉條仆街咁，堅持亂嚟就好重要。如果 林鄭月娥 搵嘅教育局局長，喺國民教育、TSA同語文政策上，保持吳克儉路線，我都幾肯定喺今年七月一日，政總門外會有好多憤怒吧家長，準備招待 林鄭月娥 以及佢嘅教育局長。

所以， 林鄭月娥 要搵任何人做教育局局長，要少得到以下人等嘅共識，至少否則我睇嚟 林鄭月娥一上任，分分鐘仲喺冠君大廈返工都好，已經被人玩到殘，都應該死得好慘吓

1. 香港眾志秘書長黃之鋒(國民教育政策)
2. 香港教育專業人員協會(教育局長人選、總體教育政策)
3. 香港本土毛孟靜議員(國民教育以及普教中問題

所以我好肯定一樣嘢，如果教育局長 林鄭月娥 食言，由吳克儉留任，固然會引發大規模衝，如果 林鄭月娥 搵係教育評議會何漢權之流做局長，由於呢啲教聯會、教育評議會嘅土共組織，一直極乞香港人憎，啲人一聽到由何漢權等人嚟做教育局長，我恐怕林鄭未上任就已經被香港人玩到落荒而逃。只不過， 林鄭月娥 點會搵教協都成問題， 林鄭月娥 同張文光一齊搞金禧事件示威，證明呢條友唔係對教育相關議題一無所知，佢年青果陣，係有關注過，並且都幾積極。只不過， 林鄭月娥 同泛民嘅對話基礎奇差，一方面，泛民啲人會唔會見 林鄭月娥 都成問題，而另一方面， 林鄭月娥 好可能為咗酬庸土共，監粗將教育局長嘅人選判俾啲土共，呢個真係同得罪泛民以及學民思潮無分別，屆時我真係食定花生，睇 林鄭月娥 點救熄呢場佢一手搞出嚟嘅大災難。

林鄭月娥 係唔係咁打得，好快可以由教育局長嘅人選反映出嚟，只不過喺呢方面，我係一啲都唔樂觀，睇黎大亂局好快發生
。