ភ្នំពេញៈ ប្រមុខ​រាជ​រដ្ឋាភិបាល​កម្ពុជា កាល​ពី​ថ្ងៃ​ម្សិល​មិញ បាន​បញ្ជា​ឲ្យ​​មន្ត្រី​ក្រោម​ឱវាទ​​ រឹត​បន្តឹង​ការ​បង្ក្រាប​​បទ​ល្មើស​ព្រៃឈើ ដែល​កំពុង​រង​ការ​កាប់​បំផ្លាញ​យ៉ាង​ធ្ងន់ធ្ងរ​​ ពី​សំណាក់​ក្រុម​ឈ្មួញ និង​ក្រុម​ហ៊ុន​វិនិយោគ​មួយ​​​ចំនួន ព្រម​ទាំង​ព្រមាន​ដក​ដី​សម្បទាន​សេដ្ឋកិច្ច​ និង​ពិន័យ​បន្ថែម​ទៅ​លើ​ក្រុម​ហ៊ុន​ណា ដែល​មិន​អនុវត្ត​តាម​កិច្ច​សន្យា ហើយ​ឆ្លៀត​ឱកាស​កាប់​ព្រៃឈើ។