停止 高鐵 ：我們應該做乜嘢

高鐵 好大機會生米煮成熟飯，一地兩檢搞出洗頭鐵出嚟，但除咗鬧人，仲可以做啲乜，呢個係一個值得思考嘅問題，雖然明知共產黨停止陷家鏟洗頭鐵機會唔大，但都無乜理由唔做，啲大中華膠夠明知建設民主中國嘅機會等於零，都繼續痴痴地等民主中國嘅出現一樣。

唔要假左翼 落實真勇武

如果香港嘅反 高鐵 運動，唔係俾班只係一味識得菜園村嘅左膠搞到一鑊泡，其實係有機會變成遠東版嘅Stuttgart 21反對運動，Stuttgart Hauptbahnhof嘅改建反對運動，無法阻止Stuttgart Hauptbahnhof部分建築被拆，但仍然令Stuttgart以及所屬嘅Baden-Württemberg州執政權由CDU轉到綠黨手上。其實反 高鐵 呢樣嘢，可以好左翼，問題係，依家香港呢班左膠之所以係膠，因為佢地係假左翼嚟，只不過係一班顧全中國利益，兼以為自己做緊一啲好有意義嘅嘢，純粹自我感覺良好嘅膠人。所以，如果要反 高鐵 運動再臨，又唔想一下子係「本土」議題咁右嘅話，一個新左翼嘅旗幟，以捍衛公民權利，捍衛香港中下市民利益嘅旗幟要舉出嚟。

另一方面，明知中共唔會聽嘅情況下，其實依家好接近一個臨界點，就係一係和平示威都係被人打鋪勁，一係大家等被洗頭鐵運上去，如果要升級勇武抗爭，乜嘢係真勇武。我重申一次，熱普城果啲勇武抗爭係假貨，如果有本土派一味笑泛民和理非非，但提唔出任何具體戰術或戰略方案，呢啲花生友都係無資格鬧人唔夠勇武，勇武唔係靠把口，而係靠落實嘅戰略或戰術行動。至少，左膠都爬過入高鐵地盤，爬到上啲天稱度，大佬，咁爬上去唔腳軟都係假。真勇武嘅，要超過左膠呢個行動水平至叫合格，我呢個仲未計可能出現的被捕準備，唔係好似黃洋達呢啲人渣咁，呢頭叫人勇武，果頭就人去咗東京。

當然，我都無乜資格去指責一個人勇武得好唔好，夠唔夠，但我期望係一場真係玩到黑警同中共殘嘅戰術行動，唔係一啲自我感覺良好嘅佔領，或者昆啲人做替死鬼，然後自己去攞維穩費嘅仆街行為。