葉國謙 只係唔識法律嘅死擦鞋仔

葉國謙 呢啲土共，我一向都憎到佢入骨，否則2003年都唔會寧願何秀蘭贏都要葉國謙喺觀龍選區輸。 葉國謙 呢條友，似乎係死性不改，見林鄭月娥果陣，夠膽死建議，鼓勵香港人攞乜嘢中國公民身份証，作為一個國籍法方面嘅研究者，我只能講，你 葉國謙 條友返去仆街喇。

法盲 葉國謙

首先，中華人民共和國係無公民身份証，只有居民身份証，喺呢啲名上面，係要跟住法律講，特別 葉國謙 係中華人民共和國全國港區人大代表，呢條友可以咁都唔熟書，仲夠建議啲硬膠建議，法盲立法立出乜出嚟，自己諗喇。

跟住，中華人民共和國居民身份証，呢樣嘢不單只有持中國國籍嘅人申請(呢個係根據《中華人民共和國居民身份証法》)，而且，香港人一申請，隨時會引發問題。因為依家香港永久居民身份証係任何國籍人士都可以持有，所以必須同中華人民共和國居民身份証分開，亦因為中國人同香港人身份分開，所以特區護照至有咁多免簽，因為國際上唯一可以分開判讀特區護照同中國護照，就係香港永久居民身份證號碼，如果香港人可以申請中華人民共和國居民身份証，如果呢件事上，外國政府可以用好多理由撤回特區護照嘅免簽，因為唔知有幾多中國人又乘機混水摸魚入咗去。唔知 葉國謙 啲親朋，有無暗暗袋住本BNO或者其他國家護照咁呢？

葉國謙 呢啲友仔，正好係土共嘅典型，如果講中共歷史、中共嘅法律等等，隨時唔夠我呢啲外籍反共分子熟書，但又要顯得好鬼貞忠報黨，所以成日派膠，發表埋啲膠到無朋友嘅主張，搞BNO出身嘅林鄭月娥無公開恥笑佢，都已經好俾面佢。只要中國唔係一個文明國家，香港同中國嘅身份証系統同制度都無可能一統，除非啲中國高幹捨得唔要佢地唔知邊個星球搞出嚟本特區護照所享有嘅免簽優惠。

只不過，以依家中國同張曉明呢啲冚家富貴想香港消滅嘅速度，特區護照同香港身份證仲可以保留幾耐自主地位，我真係十分之懷疑，所以如果仲有啲港豬，話特區護照好好用，一係佢係傻嘅，一係佢係暗中袋住本外國護照嘅本土，呢啲粉腸最仆街。一如有啲澳門人零舍仆街，因為佢地一路係袋住葡國護照去投共一樣。