rarely
معلش
عندي
تكملة السؤال:
كل حاجة بعملها بتيجى على أخر حتة وتبوظ. مجبتش تقدير فى الكلية بسبب درجتين بس أقل شغلى اللى ملوش علاقة بدراستى واللى عافرت لحد ما قدرت احط رجل فيه، كل ما ابتدى اوصل لحاجه يبوظ بسبب حاجة تافهه او مليش دخل فيها. بدأت اتساءل وأخاف ليكون اللى بعمله غلط أو على الأقل انا فاشل في. اموت نفسى ولا ايه طيب.
تكملة السؤال . انا برده مثلا أذاكر كويس للامتحان بس أدخل مش مهتمة احل كويس أو لا حتى أقدر أحل كويس . عندى برود عاطفى رهيب ناحية اهلى واصحابى. بحب أقرأ فلسفة كتير بقيت أخاف اكون زاهدة فى كل ده لانى معنديش القدرة أنى اعمله وبوهم نفسى انى مش عايزة !
...
ردي:
خلينا نتفق أولا إني مش متخصص وحتى لو متخصص كلمتين وتعليق عمرهم ما هيكونوا حل شافي لأي شخص عنده مشكلة.
وبالتالي مش هاقدر اجاول على سؤال: هل أنا طبيعية والا لأ؟
الإنسان أكثر تعقيدا من إننا نحط له اصطمبه واحدة ونقيس عليها. اللي تركب عليه نقول طبيعي واللي ما تركبش نقول مش مظبوط.
فيه حاجتين تلاتة ممكن نتفق عليهم:
انك بتحبي تقري وتتأملي وتعرفي وتكتشفي وده كويس.
إنك عندك طموح لمعاني وتجارب أبعد بكتير من اللي بتحسي بيه
إنك عاوزة تحسي ويبقى عندك شغف ما وده مش موجود وانتي حاسه انه ناقصاكي..
اللي فاتت دي كلها حاجات إيجابية بما فيها إحساسك بالنقص ده.
اللي مش إيجابي إنك تقعدي تتفرجي على نفسك وما تعمليش حاجة.
ممكن جدا نموك الذهني والعقلي والروحي يكون أسرع وأبعد من اللي حواليكي وده بيحسسك بوجود فراغ محدش منهم عاوز يملاه. وفي الحالة دي مفيش نصيحة غير انك تشوفي العالم فيه إيه تستمتعي بيه وتتعلمي منه: ندوات، مناقشات، مسرح، سينما، معارض.
مصر النهاردة فيها من ده أكتر بكتير من اللي كان موجود زمان، ولو فتحتي عينيكي وانتي صغيرة كده عليها ممكن نمو شخصيتك وروحك يبقى أكبر بكتير في خلال وقت محدود. ومن خلالها ممكن تلاقي ناس تانية ومجتمع تاني يملا فراغ نفسك وروحك ويحقق لك الشغف اللي محتاجاه علشان تهتمي بحياتك ودراستك وامتحاناتك.
لو حاسة ان الكلام ده مالوش معنى أو مش بيعمل إي صدى جواكي احتمال تكوني محتاجة استشارة من مقدم مشورة يساعدك أكتر بشكل شخصي ومباشر.
تحياتي وتمنياتي بكل حاجة حلوةView more
مش فاهم ليه بتعتبري ده مش طبيعي.
الإنسان حيوان حبوب (ده تعريفي الحقيقة).
تصميم الكائن مبني على إنه في العادة يبحث عن أليفه أو وليفه.
مش بالضرورة إن العلاقات اللي بنقدر نكملها تستمر أو تقدم لنا السعادة الأبدية. علشان كده لما تأفل علاقة ونكون في بحث عن علاقة تانية المهم نعرف نحب نفسنا ونعيش في سلام مع نفسنا.
يمكن ده اللي ناقصك بس مفيش مشكلة أو خطأ أو غلط في إنك تحسي بسعادة أكتر لما تكوني بتحبي.
الحياة كده
والحب كده
خمس دقايق بحث على جوجل هيعرفوك الفرق.
باقي السؤال:
مش بالبساطة دى ضهرى للحيط فانطلق بقى واكسر زنازين روحى،انت بتفضل زى مانت خايف ووحيد ومش قادر تغير حاجة لان عقبات كل خطوة هتبقى ألعن من الموت بكتير. ف اه الانتحار حل جبان بس مضمون وملوش توابع اترعب منها وانا بعمله.اهو بنمشي مرة واحدة وخلاص. يوما سأفعلها ..
ردي:
عارف ان الكلام سهل وإن الاكتئاب أو الرغبة في الانتحار مش بالضرورة تتلاشي لما واحد زي حالاتي يقول كلمتين حلوين من عينة "حطمي قيودك وانطلقي" زي ما فهمتيني.
الاكتئاب درجات وأنواع. وفيه منه حالات مرضية محتاجة تدخل طبي ودوائي.
لما تسمعي مني رد ما يعجبكيش طنشي واعتبري انه مش ليكي.
بس قبل ما تعملي كده فكري شوية في الكلمتين دول.
اللي بيبقى على حافة الانتحار لازم يبقى عارف ان مفيش حاجة أسوأ من كده (بالنسبة للحياة). يعني مفيش أسوأ من الموت. محدش ممكن يأذيك أذى أكتر من الموت.
النقطة دي ممكن تفوق الإنسان على حقيقة إن عنده مساحات تانية ياخد فيها مخاطرات كان دايما خايف منها.
هيحصل إيه؟ مفيش أسوأ من اللي هيعمله لنفسه.
دي النقطة اللي ممكن فيها يغلب تردده ويتجرأ ويجرب كل الحلول اللي ما فكرش فيها أو كان خايف منها.
يسيب شغله أو علاقاته اللي بتحسسه بالألم ويدور على حاجة تانية.
يهاجر، يغير مكان، يجازف..
كلها مخاطر تتواضع قدام اللي كان بيفكر فيه.
أكيد ممكن الكلام ده يبقى شكله ساذج ومش حل من أي نوع لشخص في مرحلة ما من مراحل الاكتئاب.
لكن هاكون مبسوط لو الكلام ده نور لمبة في دماغ شخص والا اتنين وقرروا يضربوا كرسي في الكلوب ويخرجوا من الكورنر ويغامروا ويعيشوا
وبرضه ما ننساش نقول لأي حد مكتئب اكتئاب حاد، وبيفكر أفكار سوداوية من النوع ده يطلب مساعدة ويشوف معالج نفسي أو طبيب متخصص.
الاكتئاب في حالات كتير بيكون نتيجة تغيير كيماوي في الدماغ مش بس شوية مضايقة في الشغل أو البيت أو العلاقات الشخصية.View more
احنا مجتمعنا مش سوي قوي وأحيانا بيطلع في الناس أسوأ ما فيها.
في أحيان كتيرة الناس بتكدب لإنها ما تقدرش تواجه الناس بالحقيقة.
في تقديري مش مهم هي بتقول لك هي مجنونة بيك والا لأ.
المهم في النهاية هو إحساسك بيها.
هل انت بتحبها فعلا وحاسس انها بتحبك؟
هل "ماضيها" يهمك قوي؟ وهل الإنسان اللي انت عرفته فيها دلوقتي تحب ترتبط بيه؟
مفيش إجابة أنا أو حد غيري ممكن يديهالك علشان تاخد قرار.
المهم انت شايف إيه وحاسس بإيه وعاوز إيه
الخوف مش حل لأي مشكلة.
ومش لازم تعترفي بإعجابك في المرحلة دي.
انتي بتفتحي مساحة حوار وتشوفي إذا كان فيه اهتمام مشترك والا لأ وافتكري كمان انك انتي اللي قلتي انك حاسة انه معجب بيكي.
لو حس انك بدأتي وبالتالي اتنازلتي يبقى ما يستاهلش
لو طلع غير سوي ووقح تسيبيه وتحمدي ربنا وما تضيعيش وقتك.
الأسئلة اللي في دماغك مش هتلاقيلها إجابة إلا لو بدأتي التواصل معاه ومهدتي الفرصة ان يكون بينكم حوار