機電署查出香港六個腳嘅獨立開關安全拖板，原來全部都唔安全，固然好嚇人。我依家出一篇圖文並茂嘅文章，教大家買 德國拖板 brennenstuhl ，呢隻係香港可以買到嘅歐洲製拖板，至少你信得過德國總廠嘅安全質素。
1. 買嘅地方：腦場有間叫博智科技嘅公司，灣仔同深水埗腦場都有分店，主要係賣Server用嘅嘢，而 brennenstuhl 德國拖板 ，係其中一隻比較受信任嘅Server用拖板。
2. brennenstuhl 喺香港賣嘅拖板，至少博智科技賣嘅，唔一定有六個位獨立開關，所以你要自己評估，獨立開關係唔係真係好重要。
3. brennenstuhl 賣嘅拖板，有唔少款式係契丹製造，所以為免買錯，你要睇清楚拖板後面嘅招紙，至少係要咁寫，至係真正德國製造嘅 德國拖板 ，契丹貨嘅QC係點，大家係信唔過，因為Sch記嘅貨出咗事，已經引起唔少人警覺
明天會再講邊度買Duraplug，因為Duraplug喺香港更加難搵，至少對大部分消費者嚟講，係難搵，你估個個都會無端端去駱克道或者新填地街搵咩，呢個亦係點解我個人用 brennenstuhl 比較多嘅容易，有時都幾逼於無奈。