城巴 深水埗致命大車禍，雖然最後原因，有待死因庭聆訊，以及專家嘅調查，只不過， 城巴 大車禍反而反映唔少司機嘅態度問題，香港成個駕駛執照制度，而且司機修養教育，其實係十分之有問題，如果唔改進，我就算揸住歐洲駕駛執照都唔會喺香港揸車。
城巴 車禍反映：香港司機適合揸車
先講，駕駛修養呢樣嘢，其實唔好亂擺死車，對路面各種複雜情況，乜嘢係最佳訓練，其實係細個揸單車，因為單車你要面對行人膠，或者奇怪嘅路面情況，德國，係由細個教單車已經教駕駛態度，香港好多時人大咗至教點揸車，香港嘅駕駛訓練制度，又充滿漏洞，有好多仲係用山寨手法教人嘅教車師傅，無錯，香港人駕駛安全程度，係比中國好，但喺歐洲標準，依家香港人可以揸國際牌，真係因為香港前宗主國係英國咁解咋。
香港嘅駕駛執照筆試，恕我講句難聽，根本只係考認路牌，你死背路牌係pass梗，但德國係唔會，德國叫理論試，你一定要知道啲駕駛原理，並且知道乜嘢行為係危險，如果你想知德國駕駛考試係讀乜，可以睇駐德美軍寫嘅考牌指南，呢本書，撇除德國路牌嘅部分，唔少關於駕駛態度同知識，係香港人必須要知，我都未計德國政府係強制每位換德國車牌人士，係必須持有有效嘅急救證書(所以如果你見人持有效德國車牌，你可以假定對方識急救)
http://www.usareurpracticetest.com/germany/documents/manual.pdf
而依家香港針對巴士站違例泊車，係執法唔夠，巴士站違例泊車應該係視同喺雙黃線違例泊車處理，甚至係違例泊車造成交通危險，根本係要重罰，好多司機對double parking造成其他人嘅危險毫無警覺性，大部分人，好似海濱南岸May Kam呢啲仆街，簡直係用嚟搵銀，呢啲製造交通危險人士，係應該要一致聲討。無錯，香港唔夠泊車位，呢個要追殺政府，但唔代表乜地方都可以違泊。
當然，如果技術上進一步關於四個轆駕駛專業嘅嘢，請教林鴻達，佢係專業，我就真係唔係一個專業嘅司機，或汽車上嘅專家。