根據《蘋果日報》最新爆料， 橫洲 班棕地業主，要開到每平方呎三千蚊港紙嘅賠償，至願意將 橫洲 自己擁有嘅地交番俾政府，獅子開大口。
要知道 橫洲 曾樹和啲地，值唔值三千銀一平方呎嘅租，其實一查當年交易地價，以及政府嘅應課差餉租值紀錄，就完全知道晒。而純粹以DD123 LOT678為例，佢地固然係無經過任何田土交易，因為由1989年揸政府租契至今。
經過查差餉物業估價署嘅紀錄，喺未來一年，LOT678，要連同多塊土地，一年應課差餉租值至達到32萬，講緊係成萬平方呎以上土地，而32萬呢個差餉租值，喺市區係一個一千呎單位水平，依家佢地係好多塊地收呢個水平。
如果 橫洲 呢班友，平日交開貴嘅應課差餉租值，咁政府應該賠筆大俾佢地，但依家 橫洲 呢班大帝，平日交差餉交地租，就交平嘅水平，依家政府收地，就要收貴果個水平，依家政府收番做公屋，唔係私樓，乜政府有責任賠埋佢地發財果份？呢班友貪到乜水平，真係大家有眼見。
（以上呢份嘢，地契用廿五蚊查，差餉紀錄用九蚊查，唔該抄報問咗我至好轉載，如果要查晒曾樹和手上嘅地契，大家可以想像要查幾多份嘢，Company Search、Land Search加Rate Search，真係堅大工程）
月捐計劃
想用Google App，經呢度加入：https://goo.gl/PBroUD
捐款者可以索取八折coupon code，慳更多！