呢幾年， 英國駐港總領事館 被認為係軟弱，甚至連德國駐港總領事館都遠遠不如。有一段日子，傳統上只著眼於經貿事務嘅德國駐港總領事館，係咁就香港事務抽水，大家突然學識咗好多德文生字。德國喺香港嘅影響力，無論實際居住香港人數目，到使館積極度，都遠遠大過 英國駐港總領事館 ，但依家形勢已變，南華早報嘅訪問反映得好清楚。
FCO 中國通全面潰敗
其實 英國駐港總領事館 由 Andrew Heyn OBE坐鎮，本來呢個安排已經預備香港有巨變會發生，Andrew Heyn OBE係佔領運動後上任，當時已經通過咗European Union Referendum Act 2015，亦即搞出BREXIT大頭佛果條公投法，Andrew Heyn同時有歐盟同人權事務經驗，處理香港問題係必須。而2009-2013年，佢係英國駐緬甸大使，果陣係仰山素姬會否釋放嘅關鍵年頭，英國一直喺緬甸民主化上扮演重要角色，當然呢個同仰山將軍嘅死，英國佬搞出個世紀大頭佛有關。但Andrew Heyn仍然受制於倫敦FCO班中國通，所以大家唔覺得佢好似存在感好強。
但大家睇到Hong Kong Watch強勢出現，同埋 Lord Ashdown 嘅報告，FCO都要派人去聽，大家都應該知道，成個 FCO 嘅中國通已經潰敗，今日英國時間下午，Channel 4放蛇放到幾個保守黨貪錢MP現形，我可能講，保守黨嘅MP其實無太多可以向中國叩頭嘅空間，所以Andrew Heyn口氣都強硬咗好多亦係咁解。
當然，大家都係要做嘢，明天1月23日英國時間1630-1700(香港時間1月24日0030-0100)有Fiona Bruce MP嘅香港Westminster Hall Debate，請喺英國同歐洲嘅BNO或BC，寫信俾你嘅MP，促請佢地出席會議，並支持香港民主同BNO平權。1月24日英國時間1500(香港時間1月24日2300)有Lord Ashdown喺House of Lords關於香港嘅動議辯論，請所有BNO同BC表達你們對香港民主嘅關注，以及支持BNO平權。
我亦要同啲五毛講明，經過漫長同Facebook嘅談判，依家Facebook開始清理五毛，首先係Copyright果批，因為Copyright唔係Facebook大中華班友睇，Facebook大中華唔可能包庇啲五毛太耐。