இந்த ஜெயலலிதா சாவுக்கு எதற்கு விசாரணை ஆணையம். தீர்ப்பு வந்தும் என்ன கிழித்துவிட போகின்றார்கள்? எல்லாம் வீண் குழப்பம்

ஜெயலலிதாவினை நானே உருவாக்கினேன். அவர் வாசித்தது எல்லாம் என்னுடைய எழுத்து, அவர் அறிவித்த திட்டமெல்லாம் என்னுடைய வியூகம். அதனை பின்பற்றியதாலே அவர் வெற்றி கண்டார்

நான் தமிழகத்தில் மகா செல்வாக்கனவன், என் மனைவிக்கு பரோல் கிடைத்ததும் தமிழகம் முழுக்க இருவரும் சுற்றுபயணம் செய்வோம், இந்த அரசை விடமாட்டேன்” என சீறி எழுந்திருக்கின்றார்

அன்னாரின் பேட்டியினை கவனித்தால் சில தொணிகள் தெரியும்

முதலாவது ஜெயா எப்படி செத்தால் என்ன? என்ன முடிவு என்றாலும் யார் கேட்க போகின்றார்கள்? எனும் அலட்டல்

இரண்டாவது விஷயம் ஜெயா எல்லாம் விஷயமே அல்ல, நானே உருவாக்கினேன், என் சொற்படி கேட்டால் யாரும் முதல்வராகலாம் என பழனிச்சாமிக்கு மிரட்டல்.

கடைசி விஷயம் இந்தியா முழுக்க இன்னும் பலரின் தொடர்பில் இருக்கின்றார் நடராசன், அது அரசியலா? கள்ள கடத்தலா? தீவிரவாதமா, நக்சலா என தெரியவில்லை . ஆனால் மத்திய அரசுக்கான மிரட்டல்

இதற்கெல்லாம் காரணம் ஆர்.கே நகர் கொடுத்த வெற்றி, தினகரனை மனமார வரவேற்றது போல தமிழக மக்களும் தன்னையும் தன் மனைவியினை வரவேற்பார்கள் அல்லது வரவேற்க வைக்க முடியும் என நம்புகின்றார் போல‌

ஆக தமிழக மக்களுக்கு ஜாக்பாட் அடிக்க போகின்றது, எப்படி பார்த்தாலும் வசூல் மழை கொட்டபோகின்றது, அதனைத்தான் நடராசன் சூசகமாக சொல்கின்றார்

ஆனால் சில விஷயம் உதைக்கின்றது

தான் சொல்லிகொடுத்ததை செய்துதான் ஜெயா முதல்வர் ஆனார் என்றால், இவர் இன்னும் பல முதல்வரை உருவாக்கி இருக்கலாமே, ஏன் ஜெயாவினையே வைத்திருந்தார் என நாம் கேட்க கூடாது

ஆக ஜெயா ஒன்றுமே இல்லை என மக்கள் மனதில் பதிய வைக்க கிளம்புகின்றார் நடராசன், பார்க்கலாம்

தினகரன், திவாகரன் , விவேக் என ஆளாளுக்கு வரிசை கட்டும் களத்தில் நடராசன் வராமல் அமைதிவராது என்பது இன்னொரு கோணம்

நடராசன் பேட்டியில் இருந்து ஒரு கேள்வி மட்டும் கேட்கலாம்

“அய்யா ஒரே போனில் நினைத்ததை சாதீப்பீரா? ஒரு போன் போட்டு சசிகலாவினை வெளியில் கொண்டு வந்தால் என்ன? என்றெல்லாம் கேட்க மாட்டோம்

மாறாக இந்த இம்சை பிடித்த ஆட்சியினை ஒரே போனில் கலைத்துவிட கூடாதா?”

எப்படியோ, அன்னார் ஒரே போனில் நினைத்ததை சாதிப்பாரம். வருமான வரிதுறையினை அனுப்பி அவர் கையில் இருக்கும் போனை வாங்காமல் மத்திய அரசோ, பழனிச்சாமியோ நிம்மதியாக இருக்க முடியாது என்பது மட்டும் புரிகின்றது.

நாடக உலகிலும் அவரின் பங்களிப்பு உண்டு

நிச்சயமாக சொல்லலாம், ஒரு நல்ல பத்திரிகைகாரன் எப்படி இருக்கவேண்டுமோ அப்படி இருந்தார், எதற்கும் அவர் அஞ்சவில்லை.

பெரும் பொய்களும் இன்னும் பல அழிச்சாட்டியங்களும் வரும் பத்திரிகை உலகில் இறுதிவரை உண்மையினை உள்ளபடி எழுதிகொண்டிருந்தவர்

இந்த மக்களை நம்பி ஆம் ஆத்மி வேட்பாளராக தேர்தலில் எல்லாம் இறங்கினார், தினகரன் போன்றோர்கள் வெல்லும் தேர்தலில் இவர் வென்றிருந்தால்தான் அவமானம்

அவர் தோற்றது அவரின் தனிபட்ட கவுரவத்திற்கு கிடைத்த வெற்றி என்பதில் சந்தேகமில்லை.

காலத்தால் முந்திவிட்டார், இணைய தொடர்புள்ள இக்காலத்தில், எந்த எழுத்தாளனும் ஊடக பலம் இல்லாமல் தன் கருத்துக்களை துணிந்து சொல்லும் இக்காலத்தில் எழுத வந்திருந்தால் பெரும் புயலாக வீசியிருப்பார்.

“என்னை சந்திப்பவர்கள் எல்லாம் என் சொந்த ஊரில் கோவில் நிதி, கிணறு நிதி என்கின்றார்கள், ஒருவருக்காவது ஒரு நூலகம் அமைக்க வேண்டும் என்ற எண்ணம் இல்லை ..” என்ற அந்த வரிகள் மறக்க முடியாதவை

அவருக்கு ஆழ்ந்த அஞ்சலிகள்

அந்த இளம்பெண்ணை சுற்றித்தான் கதை களம், அவள் பெரும் படிப்பு படித்தவள் ஆனால் ஒரு அப்பாவியினை காதலித்த பாவத்திற்காக அவனோடு மாடு மேய்கின்றாள், பால் கறக்கின்றாள், சாணி அள்ளுகின்றாள், வறட்டி தட்டுகின்றாள், பால் கோவா கிண்டுகின்றாள்

அதுவல்லாமல் தன் மகள் எதிரியின் மகனை காதலிக்கின்றாள் என்றவுடன் அந்த பால்கார கணவன் பக்கமே நிற்கின்றாள்

அவன் ஊதிதள்ளும் சிகரெட்டில் அவளின் உழைப்பும் இருக்கின்றது, ஆனால் கொஞ்சமும் அந்த காசு புகையாய் போவதில் அவள் கவலையடவில்லை, கண்டிக்கவில்லை.

அவனின் மகிழ்சி அவளுக்கு அவ்வளவு முக்கியம்

கணவனின் சவால் போராட்டத்தில் கனவில் மட்டுமே பழம் நினைவுகளுடன் தன்னை சமாதானபடுத்துகின்றாள், இப்படியாக அப்பெண்ணின் பாத்திரத்தை சுற்றியே கதை நகர்கின்றது.

இந்த பால்காரன் வேடத்தில் ரஜினி என்பவர் நடித்திருந்தார், நிச்சயமாக அது ராமராஜனுக்கு பொருத்தமான வேடம் அவர்தான் நடித்திருக்க வேண்டும், ஆனால் ரஜினிக்கு கொடுத்துவிட்டார்கள்

அந்த கதையினை தாங்கி நிற்கும் இளம்பெண் வேடத்தில் தலைவி குஷ்பு பின்னியிருந்தார். அவரை தவிர யாரும் அந்த கனமான வேடத்தை சுமக்க முடியாது.

காதலில் விழுவது, அவன் பால்காரன் என ஏமாற்றம் அடைந்தாலும் தமிழர் பண்பாட்டுபடி அவனே கணவன் என ஏற்று கொள்வது, மாட்டு பண்ணையில் கஷ்டபடுவது, மாமியாரை மதிப்பது, கணவனின் லட்சியம் நிறைவேற உழைப்பது என அத்தனை வேடங்களிலும் பின்னி இருந்தார்

அதுவும் கிளைமேக்ஸில் கணவன் தன் சவாலில் வென்றுவிட்ட பின்னாலும், நண்பனின் சொத்துக்களை ஒப்படைக்கும்பொழுது அவனின் நல்ல‌ குணத்தையும் அவன் வென்றுவிட்ட கர்வத்தையும் அப்படியே தன் முகத்தில் காட்டும் போது மிக சிறந்த நடிப்பினை கொடுத்திருந்தார்.

விருது கொடுக்க வேண்டிய நடிப்பு, ஆனால் பாவி உலகம் கொடுக்கவில்லை.

நிச்சயம் அது குஷ்பு படம், பல காட்சிகள் அவரை சுற்றி இன்னும் வைத்திருக்க வேண்டும், அவர் மாட்டுபண்ணையில் கஷ்டபடும் காட்சி, குழந்தை வளர்க்க சிரமபடும் காட்சி எல்லாம் டைரக்டர் காட்டவில்லை

அந்த பாவத்திற்கு பின்னால் பாபா படத்தில் மொத்தமாக வாங்கி கட்டினார் சுரேஷ் கிருஷ்ணா, பின் ஆண்டவன் என ஒருவன் இருக்கின்றான் அல்லவா? விடுவானா?

தலைவி படம் பார்த்தால்தான் பொங்கல் கொண்டாடிய திருப்தியே வந்தது

அதில் ஒரு பாடலில் இஸ்ரேலிய மோஷே தயான் ஸ்டைலில் ஒற்றை கண்ணோடு வந்து நின்றார் ரஜினி கொஞ்சமும் ஒட்டவில்லை

ஆனால் வெள்ளை ஆடையில் குஷ்பு வந்தபொழுது சாட்சாத் யூத பெண்களின் தெய்வீக அழகு தெரிந்தது

ஆக இந்த படத்தை பலமுறை பார்த்து மகிழ்ந்து பொங்கல் நாட்களை மகா சிறப்பாக கொண்டாட சங்கம் முடிவெடுத்திருக்கின்றது.