台灣旅行法 簽署 特朗普唔會俾面中國

侵總統唔理中國嘅反對，簽署得到參眾兩院通過嘅 台灣旅行法 ，啲垃圾親共傳媒講到 台灣旅行法 無乜用，梗係唔係，以後國務院官員同軍方官員可以無後顧之憂進行同台灣嘅官式接觸，否則中國點解咁反對呢條法律至得。而喺習近平登基無幾耐就簽，證明特朗普唔會俾面中國，亦唔會俾台灣作為習近平登基嘅禮物。

台灣旅行法 特朗普擺明唔俾面中國

通常呢啲會令中國尷尬嘅法律，以往美國總統一般係勸國會唔好過，如果國會都係要過，總統有時係拒簽，或者唔簽，由得法案「自動生效」，以免損害同中國關係，特別 台灣旅行法 有可能同中美聯合公報有衝突，會令美國外交上尷尬。但依家特朗普嘅態度係，好㗎，你送過嚟，我照簽可也由佢通過，即係佢都唔俾面中國，甚至係特朗普對華強硬政策嘅其中一個部分。

特朗普唔俾中國都可以理解，北韓問題上，中國係幾乎肯定係無用，係金正恩自己求和，面對一個根本唔會幫自己嘅中國，仲要四圍咁滲透嘅中國，點解特朗普仲要俾面你，所以中國係應該預咗有呢個結果。

大家仲要留意一樣嘢，依家美、英、法、德係大有重新聯合一致行動嘅勢，喺俄國毒死前間諜案中，法、美、德係同一立場，相信喺中國立場上，英美法德都會趨向一致，依家 台灣旅行法 反映特朗普對華強硬態度嘅話，英國依家對中國口頭上嘅軟綿綿態度，係好快會結束，因為脫歐後嘅英國，必定喺戰略問題上更依賴美國，而英國自己嘅國力亦唔夠，喺俄國毒死人事件中，都不得不尋求法德兩國嘅支持，所以FCO最新香港半年報告其實係一份好硬嘅報告，而且呢份不尋常遲到嘅報告，係應該有嘢跟，Hong Kong Watch發聲明批評FCO軟弱，其實大家都睇到係好明顯唱雙簧嘅把戲，都係果句，Hong Kong Watch裡面乜人坐喺度，仲要今次Benedict Rogers係成份報告嘅主角。

台灣旅行法 都係果句，只係序幕，好快美國佬就劍指香港，香港人唔好以為西方唔會做嘢至得，特別果啲不明世界大勢嘅左膠，睇少啲西方左膠媒體會令佢地嘅頭腦清醒少少。