本來泛民班友，都唔知班左膠可以沒有最核突，只有更核突。只不過，喺東華選區會戰後，泛民至意識到原來香港啲左膠同台灣時代力量班友可以一樣咁核突。而 朱凱迪 喺九西初選之中食相之難睇，雖然我認為馮檢基喺戰略上係要仆街，但Plan B其實唔到你 朱凱迪 去決定。
朱凱迪 同左膠用得太多狗招
朱凱迪同好多左膠，都係用民陣年代果套做嘢方式，就係以為泛民群眾會含淚俾你班友騎劫，實踐你們所謂宏大理想，例如全民退保之類，佢地呢個做法已經搞到好多人唔想去七一遊行，跟住見自己食住個勢竟然贏到立法會議席返嚟，就用類似手法，喺區議會甚至立法會補選搞屎尿屁。
其實泛民點初選都好，因為原本個議席係游蕙禎MP，所以係得游MP endorse至叫算得上數，馮檢基本來想執死雞，呢鋪執出膠，抵死係唔駛講，但你估 朱凱迪 唔想執死雞？如果我無估錯，姚松炎被DQ後，應該想劉小麗上，劉小麗再唔得，就推個唔知邊個星球爆出嚟嘅左膠上，呢種做法同馮檢基有乜分別，我睇唔到囉，甚至比馮檢基更難睇，馮檢基係又cheap又騎呢，而 朱凱迪 呢種係陰險，同果鋪裝范國威彈弓，下戰書嘅做法一模一樣。呢啲狗招用一兩次可以搏懵成功，用得三四次大家自己會識招呼你班仆街。
我十分之懷疑，其實周庭都分分係呢班左膠老點，連英籍都退埋，但背後班左膠有乜嘢盤算喺香港島，我唔知。依家係新界東係明朗，因為依家睇到土共鎅票黨空群而出，加上方國珊出嚟鎅鄧家彪票，當然新界東都唔可以鬆懈，但至少唔會受內戰影響太大。但九西嘅形勢，真係一如九西選區個名一樣，根本係一句粗口嚟，姚松炎都好大機會係苦戰，因為本土派嘅票無乜機會落你袋，而九西中產票嘅基數其實係好細，班左膠長期住喺個天空之城度，唔記得咗劉小麗可以喺九龍西打得掂，因為佢係阿伯殺手，無論你認唔認同我呢個口臭講法都好，佢啲阿伯票，你姚松炎係無乜可能攞到。
但點講都好，左膠呢啲小動作遲早做到成個泛民都憎死佢地，雖然泛民依家至知道佢地嘅行事本質，其實都有啲遲，香港無一個真正嘅馬奇維利主義者。